प्रअलाई तालाचाबी बुझाएर कर्मचारीले ३१ गतेदेखि देशव्यापी आन्दोलन गर्ने

काठमाडौं २२ भदौ । सरकारले सेवा सुविधामा विभेद गरेको जनाउदै देशभरका विद्यालय कर्मचारीले भदौ ३१ गतेदेखि चरणवद्ध रुपमा आन्दोलन गर्ने भएका छन ।

पेशागत हक अधिकार, सेवा, सुविधा र सुरक्षाका लागि विगत ७ वर्षदेखि आफुले राख्दै आएका माग सुनुवाई नभएको जनाउदै विद्यालय कर्मचारीले आन्दोलनका कार्यक्रम सार्वजानिक गरेका हुन । बिरोधका लागि विद्यालय कर्मचारी संयुक्त आन्दोलन परिचालन समिति गठन गरेर १ हप्ता लामो आन्दोलन गरी रिले अनसनदेखी आमरण अनसनसम्म गर्ने जनाएका छन ।

समितिका सहसंयोजक रतन बहादुर सिहले लामो समयसम्म माग पूरा हुने प्रतिक्षामा बसेपनि सरकारले बेवास्ता गरेपछि आन्दोलनका कार्यक्रम सार्वजानिक गर्नु परेको बताए । ‘सामुदायिक विद्यालयमा कार्यरत कर्मचारीहरुको भविष्य अन्योल र अनिश्चित हुन नदिन २०६७ साल माघ २३ गते सर्वोच्च अदालतले सेवा सुविधाका लागि ‘सर्भिस ल’ बनाउन पैmलसा र पुर्व आदेशको सरकारले बेवास्ता गरेको छ ।’ समितिका संयोजक सिंहले भने ‘सरकारले शिक्षा ऐन आठौ संशोधनको दफा १६ ठ मा भएको कर्मचारी सम्बन्धी व्यवस्था कार्यन्वयन नगरी श्रम शोषण गरेको बताए । हाल सामुदायिक विद्यालयमा कार्यरत कर्मचारी दरबन्दी, समायोजन, पदस्थापन, आन्तरिक प्रतिस्पर्दा, तलबभत्ता, संचयकोष, उपदान, बिमा लगायतका अन्य विभिन्न सेवाबाट बन्चित रहेका छन ।

नेपाल विद्यालय कर्मचारी युनियनका अध्यक्ष कमलप्रसाद खतिवडाले आपूmहरुले बिगत लामो समयदेखि पटकपटक राखेका माग सुनुवाइ नभएकाले बाध्य भएर आन्दोलनका कार्यक्रम सार्वजानिक गर्नु परेको बताए ।

भदौ ३१ बाट चरणबद्ध रुपमा शुरु गरिने आन्दोलनका लागि समितिले सर्वोच्च अदालतको पैmसला बमोजिमको ‘सर्भिस ल’ अभिलम्ब कार्यान्वयन गर्नु पर्ने, शिक्षा ऐन आठौ संशोधनको दफा १६ ठ विद्यालय कर्मचारी सम्बन्धि व्यवस्था लागू गर्ने पर्ने लगायतका ४ वटा मागहरु रहेका छन ।

यसरी नै विद्यालय कर्मचारी संगठन नेपालका अध्यक्ष शंकर प्रसाद ढकालले ३१ गतेदेखी शुरु हुने आन्दोलनमा पहिलो दिन जिल्ला शिक्षा कार्यलय र शिक्षा विकास तथा समन्वय इकाईमा ध्यानाकर्षण गराउने र सोही दिनदेखी असोज १ गतेसम्म कालो पट्टी बाँधी काम गर्ने बिरोधका कार्यक्रम रहेको बताए । यसरी नै असोज २ गते काठमाडौ जाऔं अभियान अन्र्तगत प्रधानाध्यापकलाई विद्यालयको तालाचाबी बुझाई देशै भरीका सबै विद्यालय कर्मचारी रत्नपार्क शान्तिबाटीकामा भेला हुने कार्यक्रम रहेको छ । यसरी नै ३ गते माईतीघर मण्डलामा खाली प्लेट, चम्चा सहित महिला बाहेक अर्धनग्न (गन्जी) लगाएर भेला भई संविधानको धारा १२६ को उपधारा २ जलाउने बिरोधको कार्यक्रम रहेको छ । ४ गते रत्नपार्कमा भेला भई व्यानर, प्लेकार्ड सहित प्रधान्मन्त्री निवास पुगी प्रर्दशन गर्ने कार्यक्रम रहेको छ । ५ गते रिले अन्सन शुरु गरी आवश्यकता अनुसार अर्को दिनदेखी ¥याली लगायतका बिरोधका कार्यक्रम गदै आमरण अनसन गर्ने कार्यक्रम रहेको छ ।

आन्दोलित कर्मचारीले कुचिकारदेखी लेखापाल सम्म तह अनुसार मासिक २ हजार, ४ हजार, ४ हजार ५ सय, ७ हजार ५ सय र ११ हजार ५ सय मात्र पाउदै आएका छन ।

:9276 Views

Leave a Reply