अब शिक्षकको गुणस्तर ‘चेक’ गर्ने बेला आएको छ : शिक्षामन्त्री

काठमाडौं । शिक्षा विज्ञान तथा प्रविधि मन्त्री गिरिराजमणि पोखरेलले गुणस्तरीय शिक्षाका लागि शिक्षक नै गुणस्तरीय हुनुपर्ने बताएका छन् ।
विद्यार्थी गुणीय चक्रको १४औं राष्ट्रिय सम्मेलनको उद्घाटनको क्रममा मन्त्री पोखरेलले विद्यार्थीको गुणीय चक्र परीक्षण गरेजस्तै शिक्षकको पनि गुणस्तर परीक्षणको समय आएको बताएका हुन् ।

‘अहिलेको अवस्थामा नेपालको सार्वजनिक शिक्षा कमजोर बन्दै गएको छ, यसको मुख्य कारण शिक्षक गुणस्तरीय नहुनु हो ।’ उनले भने । मन्त्री पोखरेलले विद्यार्थी गुणीय चक्रका गतिविधिबाट आफू प्रभावित भएको बताउँदै विद्यार्थीको वैयक्तिक भिन्नतालाई बुझेर प्रभावकारी ढंगबाट ज्ञान हस्तान्तरण र प्रतिभा प्रस्फुटनका लागि शिक्षक नै बढी सक्रिय हुनुपर्नेमा जोड दिए ।

सोही अवसरमा उनले विद्यार्थीलाई स्वदेशमै काम गर्ने भावना विकास गराउने काममा गुणस्तरीय शिक्षाका अभियान्ताहरुले पहल गर्न जरुरी रहेको बताए । विद्यार्थी गुणीय चक्रको सो सम्मेलनमा देशभरका विद्यालयस्तरका करिब एक हजार ५ सय विद्यार्थीको सहभागिता रहेको छ । सम्मेलन तीनदिनसम्म चल्ने आयोजकले जनाएको छ ।

यो पनि हेर्नुस् : http://nuwagi.com/2504/

:883 Views

Leave a Reply