आठौँ फिजम अन्तरविद्यालय फुटबल प्रतियोगिता आजबाट सुरु

पहिलो खेलमा बेस्ट गु्रप भिजन ४—० ले बिजयी

काठमाडौं, माघ ११ । संस्थागत विद्यालयको संचालक मञ्च (फिजम) को आयोजनामा आठौँ फिजम कप अन्तर विद्यालय फुटबल प्रतियोगिता आज बाट पेप्सिकोला खेल मैदानमा सुरु भएको छ ।
मार्च पास प्रतियोगिताबाट सुरु भएको उक्त कार्यक्रमको पहिलो खेलमा बेस्ट गु्रप भिजन स्कुलले नेपाल तारा स्कुललाई ४—० गोलको अन्तरले पराजित गरेको छ ।
कागेश्वरी मनोहरा नगरपालिकाका मेयर कृष्ण हरि थापाको प्रमुख अतिथ्यतामा सम्पन्न उक्त कार्यक्रममा कार्यक्रम संयोजक सुनिल केसीले खेलकुदको महत्वलाई प्रस्ताउँदै सम्पूर्णलाई स्वागत गरेका थिए ।
फिजमका अध्यक्ष एवं कार्यक्रममा सभापति आर.वि. कट्वालले खेलले विद्यार्थीहरुलाई अनुशासित बनाउने र स्कुल टु ओलम्पिकको उद्देश्यलाई साकार गर्न विद्यालय खेलकुदमा राज्यको ध्यान जानुपर्ने धारणा व्यक्त गरेका थिए ।
मार्च पास प्रतियोगितामा बेस्ट गु्रप भिजन स्कुल, मोनास्टिक स्कुल र ग्लोबल पब्लिक स्कुल क्रमशः प्रथम, द्धितीय र तृतीय भएका थिए । २० वटा टिमको सहभागिता रहेको उक्त प्रतियोगिता माघ १९ गतेसम्म चल्नेछ ।

:163 Views

Leave a Reply