थिमी नगरपालिकाको सामुदायिक विद्यालयलाई देशकै नमूना विद्यालयको रुपमा विकास गर्छु ः मेयर श्रेष्ठ

भक्तपुर | थिमी नगरपालिकाका मेयर मदर सुन्दर श्रेष्ठले थिमी नगरपालिकाको सामुदायिक विद्यालयलाई नेपालकै नमूना विद्यालयको रुपमा विकास गराउने दाबी गरेका छन् । भक्तपुरको कौशलटारस्थित आदर्श जनप्रेमी स्कुलले ३० औँ स्थापना दिवसमा बोल्दै श्रेष्ठले आफ्नो नगरपालिका भित्र रहेका १६ वटै सामुदायिक विद्यालयको शैक्षिक गुणस्तर बढाएरै छाड्ने बताए ।
कार्यक्रममा जनप्रेमी स्कुलका प्रिन्सिपल एवं प्याब्सन मध्यपुर नगर कार्यसमितिका अध्यक्ष निलेश आचार्यले मध्यपुर थिमी नगरपालिकालाई शैक्षिक गन्तव्य बनाउन आफ्नो विद्यालय एवं प्याब्सन तयार रहेको बताए ।
उनले अभिभावकलाई बच्चाको क्षमता अनुसारको पढाई मात्र खोज्न सुझाव दिँदै भने, ‘विद्यार्थी उन्नत विउ हो । त्यसलाई माटोमा फाल्दैमा हुँदैन । त्यसलाई गोलमेल र हेरचाह शिक्षकले गर्नुहुन्छ भने अभिभावक त्यस बिउमा भएको मलिलो माटो हो । त्यसैले विद्यार्थीको विकासका लागि अभिभावक, विद्यार्थी र शिक्षक तीन पक्षीयको त्रिकोण सम्बन्ध हुन जरुरी छ ।’
विद्यालयका भाईस प्रिन्सिपल कामेश्वर चौधरीको स्वागत मन्तव्य र सातवटै प्रदेशलाई प्रतिनिधित्व गर्दै सात फरक नृत्यबाट आदर्श जनप्रेमीमा अध्ययनरत विद्यार्थीहरुले उपस्थिति अभिभावक एवं अतिथिहरुलाई स्वागत गरेका थिए ।
कार्यक्रममा विद्यार्थीहरको उद्घोषण, नृत्य, उसु, गीत, नाटक प्रस्तुत गरेका थिए भने विभिन्न प्रतियोगितामा उत्कृष्ट हुने विद्यार्थी एवं अभिभावकलाई पुरस्कार वितरण गरिएको थियो ।

:198 Views

Leave a Reply