फिजम अन्तरविद्यालय फुटबल प्रतियोगिताको उपाधी ग्लोबल पब्लिकलाई

काठमाडौँ, २१ माघ । काठमाडौँको पेप्सिकोलास्थित पेप्सिकोला टाउनप्लानिक फुटबल मैदानमा भएको ‘फिजम फुटबल अन्तरविद्यालय प्रतियोगिता’ मा ग्लोबल पब्लिक स्कुल विजयी भएको छ ।

फोरम अफ इन्स्टीट्यूट स्कुल म्यानेन्जमेन्ट (फिजम) काठमाडौँले आयोजना गरेको प्रतियोगितामा नेक्सस् इन्टरनेशनल स्कुल दोस्रो र न्यु होलिक्रस स्कुल तेस्रो भएको छ । स्पर्धामा रत्न शिक्षा सदन चौथो भएको थियो ।

बिजयी स्कुलका विद्यार्थीहरु सुमित कार्कीले उत्कृष्ट खेलाडी, अमृत रिमालले उत्कृष्ट डिफेन्स, सुशिल कार्कीले उत्कृष्ट मिडफिडर, सुशान्त भण्डारीले उत्कृष्ट गोलकिपर र शिक्षक रविन शर्मा पौडेलले उत्कृष्ट कोचको उपाधी जित्न सफल भएका थिए ।

स्पर्धामा नेक्सस् स्कुलको बिप्लव राई उत्कृष्ट स्कोरर र किरण चन्द उदयमान खेलाडि भएका थिए । त्यस्तै फियर खेलाडी समुहमा भिमेश्वर एकेडेमी चुनिएका थिए ।

२० स्कुल सहभागी रहेको यस वर्षको कार्यक्रमका विजेता विद्यार्थीलाई सिल्ड, मेडल र प्रमाणपत्र प्रदान गरिएको कार्यक्रम संयोजक सुनिल केशीले जानकारी दिए ।

कार्यक्रममा राष्ट्रिय खेलकुद परिषद्का उपाध्यक्ष पिताम्बर तिमल्सिना, फिजम उपाध्यक्ष अमृत खड्का लगायतको सहभागीता थियो ।

माघ ११ गते शुक्रबार प्रतियोगिता सुरु भई १९ गते शनिबारका दिन फाइनल भएको थियो ।

:229 Views

Leave a Reply