ललितपुर जिल्ला प्याब्सन अध्यक्षमा राधेकृष्ण महर्जन

ललितपुर, १ फागुन । सेन्टपल माध्यमिक विद्यालयका प्रिन्सिपल राधेकृष्ण महर्जनको अध्यक्षतामा ११ सदस्यीय प्याब्सन ललितपुर जिल्ला कार्यसमिति चयन भएको छ ।

महर्जन अध्यक्षमा चुनिएपछि आफ्नो योजना सुनाउँदै भने, ‘मेरो २ वर्ष कार्यकालमा संगठनलाई सुदृढीकरण, आर्थिक सवलीकरण र पारदर्शि गर्ने छु ।’ उनी विद्यालयका तला थप्ने कार्यलाई सम्पन्न गर्ने योजनामा छन् । त्यस्तै विद्यालयमा भइपरि आउने कोषको स्थापना गर्ने उनले जानकारी दिएका छन् ।

माघ २९ गते सम्पन्न निजी तथा आवसीय विद्यालय अर्गनाइजेशन (प्याब्सन) कोे १४ औं जिल्ला अधिवेशनबाट बरिष्ठ उपाध्यक्षमा ज्वालादेवी विद्या मन्दिरका प्रिन्सिपल विष्णु कुमार बस्नेत चयन भएका छन् ।

त्यस्तै उपाध्यक्षमा विनिता मैया नकर्मी (होराइजन मा.वि), अर्जुन महर्जन (पिस गार्डेन मा.वि), ताराप्रसाद खनाल (भ्याली पब्लिक मा.वि) र सचिवमा निरोज महर्जन (अनल ज्योती मा.वि) छानिएका छन् ।

अधिवेशनबाट कोषाध्यक्षमा सुन्दरकुमार श्रेष्ठ (हाई भ्यु ईङ्लिश सकेण्डरी स्कुल), र सहसचिवमा जमुना महर्जन (निहारिका मा.वि), राम डंगोल (मदरल्याण्ड मा.वि), शशी सरस्वती श्रेष्ठ (माउण्ट हर्मन मा.वि) र सहकोषाध्यक्षमा सुशिल थापा (बालबाटिका स्कुल) निर्वाचित भएका छन् ।

:204 Views

Leave a Reply