एरुडाइट एकेडेमी ९ औँ वर्षमा प्रवेश

भक्तपुर, १२ फागुन । भक्तपुरको लोकन्थलीस्थित एरुडाइट ऐकेडेमी मा.विको ९ औँ वार्षिकोत्सव सम्पन्न भएको छ ।

कार्यक्रमका प्रमुख अतिथी तथा त्रि.विका प्राध्यापक पारसमणि भण्डारीले नेपालको परम्परागत शिक्षा प्रणाली बदल्नुपर्ने बताएका थिए । ‘बच्चाको पढाईमा मात्र नभएर सिकाईमा पनि जोड दिनुपर्छ । त्यसका लागि शिक्षकहरु नै प्रतिभाशाली र सृजनशील हुनुपर्छ ।’ उनले भने ।

विद्यालय व्यवस्थापन समितिका अध्यक्ष सुरेन्द्रकुमार खरालको सभापतित्वमा सम्पन्न् उक्त कार्यक्रममा मध्यपुर थिमी नगरपालिका वडा नं. १ का अध्यक्ष सुरज खड्का लगायतको सहभागीता रहेको थियो ।
कार्यक्रमलाई सम्बोधन गर्दै विद्यालयका प्रिन्सिपल दिनेश पाण्डेले विद्यालयको प्रगति विवरण एवं भावी योजनाहरु सुनाएका थिए । उनले बच्चाको चौतर्फी विकासको लागि आमाकोे भूमिका महत्वपूर्ण हुने बताएका थिए ।
विद्यार्थीहरुको कला प्रदर्शनी, तेक्वान्दो तथा कराते प्रदर्शनी कार्यक्रमको आकर्षणको रुपमा रहेको थियो । कार्यक्रममा विद्यार्थीहरुले विभिन्न साँस्कृतिक क्रियाकलाप गरेका थिए ।

:200 Views

Leave a Reply