अनल ज्योतिका विद्यार्थीहरुको ‘साहसिक यात्रा’ सम्पन्न

ललितपुर । अनल ज्योति स्कुलका विद्यार्थीहरुले डुक अफ इडिनवर्ग अवार्डका लागि आवश्यक साहसिक यात्रा भाद्र २७ र २८ गते सम्पन्न गरेका छन् । भाद्र २७ गते शुक्रबार टोखाबाट शुरु गर्दैे गुर्जुभञ्ज्याङ, काभ्रेस्थली, तारकेश्वर, ओखरपौवा हुँदै भएको करीव ८ घण्टाको पदयात्रा पछि ककनी स्काउट भवनसम्म पुगेका थिए । एक रात ककनी बास पछि पुन भाद्र २८ गते आइतबार रानीपौवा, त्रिशुली हुँदै करीव ६ घण्टाको पदयात्रा सहित दुई दिन एक रातको करिब १४ घण्टाको साहसिक यात्रा पुरा गरेका थिए ।

भीरपाखा, खोलानाला, वनजंगल, हिलोमाटो पार गरी स्काउट पनि तालिम भएका विद्यार्थीहरुले साहसिक यात्रा सम्पन्न गरेकोमा प्रशन्न भएका थिए । ‘मलाई जुकादेखि निकै डर लाग्थ्यो तर अब म निडर भएको छु’ कक्षा ९ का ब्रिट्नी महर्जन आफ्नो अनुभव सुनाउनछन् । स्काउटका सहायक राष्ट्रिय प्रशिक्षक सत्यनारायण शाही भन्छन्, ‘विद्यार्थीहरुले देखाएको अद्भूत साहसले अहिलेसम्मकै लामो यात्रा पार गर्न सक्यौ, नानीहरुले कदमनिकै प्रसंशनीय छ ।’

४० जना विद्यार्थीहरुले भाग लिएको उक्त साहसिक यात्रामा विद्यालयका प्रिन्सिपल निरोज महर्जन, सहायक प्रिन्सिपल रामहरी रिमाल पनि विद्यार्थीहरुसँगै पदयात्रामा सहभागि भएका थिए । नेपालको विशेषताहरु बुझेर देशलाई माया गर्ने, सीप र गुणले भरिपूर्ण नागरिक उत्पादन गर्ने विद्यालयको उद्देश्यलाई यस डुक अफ इडिनवर्ग अवार्ड क्रियाकलापले सघाउ पु¥याएको प्रिन्सिपल महर्जनले बताए ।

:583 Views

Leave a Reply