अनल ज्योतिमा गायन प्रतियोगिता

ललितपुर । अनल ज्योति माध्यमिक विद्यालयमा संगीतकार कैलाश राईको संयोजकत्वमा गायन प्रतियोगिताको सातौं संस्करण सम्पन्न भएको छ ।

सिनियर विधा अन्तर्गत कक्षा ७ देखि ९ सम्मको गरि जम्मा १२४ जना विद्यार्थीहरुले आफ्नो गायन कला प्रस्तुत गर्दै प्रतियोगिता सम्पन्न भएको थियो । कक्षा ९ का सानु राईले आउ न आउ गीत गाउदै सिनियर विधा तर्फ बिजयी भइन भने कक्षा ९ का आषिस थापा मगर द्वितिय, मोलाम घिसिङ त्रितिय र कक्षा ८ का सन्देश बुढा सान्त्वना पुरस्कार प्राप्त गरेका थिए । जुनियर विधा अन्तर्गत अध्यनरत कक्षा४ देखि ६ सम्मको १२ जनाले भाग लिएको मा कक्षा ६ का सौजन पुडासैनीले बादल पारीको देशबाट गीत गाउदै जुनियर विधा तर्फ बिजयी भइन् । कक्षा ५ का एञ्जेल थापा मगर द्वितिय, कक्षा ४ का एञ्जेल घिमिरे त्रितिय र कक्षा ६ का स्पन्दन थामी सान्त्वना पुरस्कार प्राप्त गरेका थिए ।

कार्यक्रममा निर्णायकको भूमिकामा गायीका सुजाता वर्माले गरेका थिए । उनले ए दाजु नसमाउ नाडीमा बोलको गीत पनि बिद्यार्थीहरु माझ प्रस्तुत गरेका थिए । विजेता गायन प्रतियोगीहरुलाई विद्यालयका प्रिन्सिपल निरोज महर्जन र निर्णायक सुजाता वर्माले प्रमाण पत्र र ट्रफि वितरण गरेका थिए ।

ललितपुर ढोलाहिटिमा रहेको अनल ज्योति स्कुलले शैक्षिक गुणस्तर समयसापेक्ष उच्च राख्दै ललितपुर रिङरोड दक्षिण भेगमै उत्कृष्ट विद्यालय रहदै आएको छ । यस विद्यालयले विद्यार्थीहरुको सर्वाङ्गीण विकासका लागि आइएसए अवार्ड, डुक अफ इडिनवर्ग अवार्ड, एसक्युसी, स्काउट लगायत कार्यव्रmम संचालन गर्दै आइरहेको छ ।

:538 Views

Leave a Reply