इप्सन हस्तलेखन प्रतियोगिता सम्पन्न, मदरल्याण्ड स्कुलको वर्चस्व

भक्तपुर । इप्सन भक्तपुरका सदस्य विद्यालयका २७ जना विद्यार्थीहरु बीच भएको अंग्रेजी हस्तलेखन प्रतियोगितामा सुर्यविनायक नगरपालिका वडा ९, भातेढिकुरस्थित मदरल्याण्ड स्कुलका विद्यार्थीहरु प्रथम, द्धितीय र तृतीय स्थान प्राप्त गर्न सफल भएका छन् । कक्षा ८ मा अध्ययनरत अन्जु त्रिपाठी प्रथम, सुरक्षा थापा द्वितीय र किमेश बस्नेत तृतीय भएका थिए । प्रतियोगितामा हिमाल एकेडेमीकी छात्रा ग्रीष्मा नगरकोटी सान्त्वना भएकी थिइन् । विजेता विद्यार्थीहरुलाई संविधान दिवसको दिन इप्सन राष्ट्रिय नृत्य प्रतियोगिता कार्यक्रममा प्रमुख अतिथि जिल्ला शिक्षा समन्वय इकाई भक्तपुरका प्रमुख हरि प्रसाद दाहालले पुरस्कार वितरण गरेका थिए ।
प्रतियोगिता नगरकोट सनराइज स्कूलको आयोजनामा सम्पन्न भएको थियो ।

:783 Views

Leave a Reply