एभरेष्ट स्कुलद्वारा नौजना विद्यार्थीलाई छात्रबृति

भक्तपुर । भक्तपुरको एभेरेष्ट इगलिश स्कुलले भक्तपुरकै भार्वाचोस्थित श्री गणेश माध्यमिक विद्यालयका छात्रबृति रकम वितरण गरेको छ । एभरेष्ट स्कुलका संस्थापक प्रिन्सिपल भक्त राजभण्डारीले गणेश स्कुलका प्रधानध्यापक गंगाप्रसाद याकामीलाई एक कार्यक्रमवीच २२ हजार रुपैयाँं बराबरको चेक हस्तान्तरण गनुभएको हो । गणेश स्कुलका नौ जना विद्यार्थीका उक्त छात्रबृति रकम हस्तान्तरण गरिएको हो ।
सरकारी स्कुल र त्यसका विद्यार्थीलाई उत्कृष्ट गराउन सहयोग गर्ने सार्वजनिक निजी साझेदारी (पीपीपी) मोडलको सरकारी योजना अनुसार सहयोग गरेको एभरेष्ट स्कुलका संस्थापक प्रिन्सिपल राजभण्डारीले जनाए । उनका अनुसार यो सहयोग रकम तोकिएका नौ जना विद्यार्थीका लागि प्रयोग गरिनेछ । सम्वन्धित स्कुलले गरिव तथा जेहेन्दार भनी पठाएको नौ जना विद्यार्थीलाई सहयोग गरेको उनले जनाए । सरकारी स्कुलमा मासिक शुल्क निःशुल्क भए पनि त्यसबाहेकका शुल्क यो छात्रबृति रकमबाट प्रयोग गरिनेछ ।
कार्यक्रममा ती नौ जना विद्यार्थीलाई एभरेष्ट स्कुलकै सहायक प्रिन्सिपल कमलादेवी अमात्य राजभण्डारीले स्टेशनरी सामान वितरण गर्नुभयो । एभरेष्ट स्कुलले गणेशसहित भक्तपुरका बालभूषण निम्न माध्यमिक विद्यालय झौखेल, भैरवी निमावि गुण्डु र कालिका आधारभूत विद्यालय कलमसी भक्तपुरलाई पनि सहयोग गर्दै आएको जनाएको छ ।

:580 Views

Leave a Reply