एरुडाइट एकेडेमीमा मतदान सम्पन्न

भक्तपुर । शैक्षिक सत्र २०७६ को नियमित शैक्षिक तथा अतिरिक्त क्रियाकलाप अन्तर्गत जेठ १० गते शुक्रबार एरुडाइट एकेडेमीमा विभिन्न पदका लागि मतदान सम्पन्न भएको छ । स्कुल क्याप्टेनका लागि सदिक्षा राई, सुप्रिया शर्मा र सिजेन खड्गीबीच प्रतिस्पर्धा भएकोमा सदिक्षा राई विजेता बनेकी छन् ।

स्कुल सह क्याप्टेनको लागि जिवन सापकोटा, सृष्टि भण्डारी, मान्यता शाही र निशान मगर बीचको प्रतिस्पर्धामा सृष्टि भण्डारी भारी मतसहित विजय भइन् । यसै गरी विभिन्न सदनका क्याप्टेन र सह–क्याप्टेन मध्ये गंगालाल सदनबाट क्रमशः रोशनी श्रेष्ठ र सौर्य भण्डारी क्याप्टेन र सह–क्याप्टेन निर्वाचित भएका छन् । यस्तै गरी शुक्रराज सदनबाट निर्जला श्रेष्ठ, सृजना खनाल, दशरथ सदनबाट अपेक्षा राई र अनिश परियार, धर्मभक्त सदनबाट अनिस राई र नम्रता सुनुवार क्रमशः निर्वाचित भएका छन् । विद्यार्थीहरूलाई निर्वाचनको महत्व बुझाउन तथा कार्यपालिका, व्यवस्थापिका आदि राज्यका विभिन्न अंगका बारेमा व्यवहारिक जानकारी दिलाउनका लागि उक्त मतदान कार्यक्रम उपयोगी सिद्ध भएको विद्यालयका प्राचार्य दिनेश पाण्डेयले बताए । सम्पूर्ण निर्वाचित विद्यार्थीहरूको सपथ ग्रहण समारोह आइतबार विहान सम्पन्न भएको छ ।

:637 Views

Leave a Reply