कलेज १८ औं वर्ष प्रवेश: उत्कृष्ट तीन विद्यार्थी पुरस्कृत

भक्तपुर, ५ मंसिर । मध्यपुर थिमिस्थित सिबर्ड कलेजले १७ औँ बार्षिकोत्सव सम्पन्न गरेको छ । शनिबार गरिएको कार्यक्रममा प्रतिनीधिसभाका सांसद महेश बस्नेतले कक्षा १२ उत्तिर्ण विद्यार्थीलाई सम्मान गरेका थिए भने कलेज उत्कृष्ट हुने तीन विद्यार्थीहरुलाई पुरस्कार दिएका थिए ।

कलेजका अनुसार विद्यार्थीहरु क्रमशः मन्जरी श्रेष्ठ, रञ्जन लोहला र अम्बिका कोइरालाले कलेज टप गरेका थिए । उनीहरुलाई सो अवसरमा मेडल, प्रमाण पत्र तथा अन्य पुरस्कार प्रदान गरिएको थियो ।

कार्यक्रममा कलेजका निर्देशक विजयचरण श्रेष्ठले शैक्षिक गतिविधि प्रस्तुत गर्दै यस वर्षको कक्षा १२ बाट विज्ञानमा ९८ प्रतिशत र व्यवस्थापनमा ९५ प्रतिशत विद्यार्थी उत्तीर्ण भएको जानकारी दिए ।

कार्यक्रममा ‘सिबर्ड आइडल’ मा प्रथम, द्वितीय र तृतीय हुने, क्रमशः रोहन कार्की, सागर थापा र गितान्जली लामालाई पनि पुरस्कृत गरिएको थियो ।

:581 Views

Leave a Reply