कास्कीको सरकारी स्कुललाई मोडर्नको सहयोग

भक्तपुर । मोडर्न स्कुल र कलेज भक्तपुरले कास्कीको मादी गाउँपालिका—२, ताङतिङस्थित हिमालय मिलन माध्यमिक विद्यालयको लाइब्रेरीका लागि ३०० वटा किताब, कक्षा १ देखि ५ सम्मका विद्यार्थीहरूलाई टोपी, कापीकलम सहयोग स्वरूप उपहार प्रदान गरिएको छ । यो पवित्र कार्य प्रति मोडर्न स्कुल र कलेजलाई धन्यवाद व्यक्त गर्दै विद्यालयका प्रधानाध्यापक ओम प्रकाश गुरूङले यस्ता कार्यले विद्यार्थीहरूलाई हौसला बढ्ने, सामाजिक कार्यमा मन जाने र कुनै पनि व्यक्ति र संस्थाको जन्म समाज र राष्ट्रको सेवालाई हो, सहयोग प्राप्त गर्ने विद्यार्थी र विद्यालयले यसको सही सदुपयोग गरि देखाउनुपर्ने बारे उल्लेख गरेका थिए । मोडर्न स्कुल र कलेजले विद्यार्थीहरूलाई प्रत्येक वर्ष नेपालको विभिन्न पर्यटकीय स्थलमा शैक्षिक भ्रमणको रूपमा ट्रेकिङ लाने, अध्ययन अनुसन्धान गराउने, पर्यटन प्रवर्दनका लागि टेवा दिन खोज्दै सो स्थानमा रहेका समुदाय र विद्यालयका विद्यार्थीहरूलाई सक्दो सहयोग गर्ने गरिएको छ । यसपालिको यो भ्रमणमा मोडर्नमा अध्ययनरत कक्षा १२ कानुन संकायका विद्यार्थीहरू संलग्न छन् । यी विद्यार्थीहरूले पौष २६ गते कास्कीको सिक्लेस गाउँका वडा अध्यक्ष सुरज गुरूङ, विद्यार्थी, अभिभावक, शिक्षक र सर्वसाधारणसँग अहिलेको शिक्षा, यस सम्बन्धी सरकारी भूमिकाको बारे बुझाइ, यहाँको शिक्षाको विगत र वर्तमान अवस्था, शिक्षाको आवश्यकता र भविष्यको योजना सम्बन्धी अध्ययन अनुसन्धान पनि गरिएको बारे मोडर्नका प्रिन्सिपल अनिल कसपालले जानकारी गराए ।

 

 

:639 Views

Leave a Reply