गोल्डेन सुनगाभा स्कुलमा योग शिविर

भक्तपुर, ५ मंसिर । भक्तपुरको दुवाकोटस्थित गोल्डेन सुनगाभा स्कुलमा ५ दिने निःशुल्क योग विज्ञान शिविर सम्पन्न भएको छ ।

सबैको जीवनमा योग आवश्यक रहेकाले स्वस्थ जीवनशैलिको विकासको लागि यो योग कार्यक्रमको आयोजना गरिएको विद्यालयका प्रिन्सिपल महेश गौतमले जानकारी दिए ।

‘स्वास्थ्यका लागि स्वस्थ जीवनशैली’ नाराका साथ गरिएको सो सिभिर मंसिर १ देखि ५ गतेसम्म चलेको थियो । शिविरको पहिलो दिन प्राकृतिक चिकित्सासम्बन्धि डा. हरिप्रसाद पोख्रेल, दोस्रो दिनमा आशन, ध्यानयोगी जीवनशैलीका लागि प्रशिक्षक डा. आनन्द गैरे आएका थिए । त्यस्तै शिविरको तेस्रो दिन योगमा हिलिङ थेरापि सिकाउनका लागि डा.अर्पना भट्टको उपस्थिति रहेको थियो । शिविरको चौथौँ दिनमा डा.राजु अधिकारीले आहार–विहार र शिविरको अन्तिम दिन डा. क्षितिज बराकोटीले वालमनोविज्ञान र मानसिक स्वास्थ्यका बारेमा कार्यक्रम सञ्चालन गरेका थिए ।

पातन्जल योेग समिति जिल्ला शाखा भक्तपुर र गोल्डेन सुनगाभा स्कुलको संयुक्त आयोजनामा भएको योग सिभिरमा विद्यार्थी, शिक्षक र अभिभावक गरी २०० भन्दा बढिको सहभागिता रहेको विद्यालयले जानकारी दिएको छ । शिविर बिहान ५ बजेदेखि ७ बजेसम्म २ घण्टा सञ्चालन गरिएको थियो ।

:547 Views

Leave a Reply