ज्ञानकुञ्जले एर्सईई परीक्षा दिएर बसेका विद्यार्थीहरुबिच म्याराथुन प्रतियोगिता गराउने

काभ्रे (बनेपा)– बनेपामा रहेको ज्ञानकुञ्ज शैक्षिक प्रतिष्ठानले म्याराथुन प्रतियोगिता आयोजना गर्ने भएको छ । नैतिकवान, चरित्रवान विद्यार्थी उत्पादनलाई प्राथमिकतामा राखेर दशकौ देखि काभ्रेमा सकृय रहेको ज्ञानकुञ्ज शैक्षिक प्रतिष्ठानले एर्सईई परीक्षा दिएर बसेका विद्यार्थीहरुको म्याराथुन प्रतियोगिता आयोजना गर्ने भएको छ ।

नैतिक,व्यवहारिक तथा व्यवसायिक शिक्षाको लागि ज्ञानकुञ्ज भन्ने मुलमन्त्र बोकेर अघि बढेको सो विद्यालयले एसइइ परीक्षा दिएर बसेका विद्यार्थीहरुका लागि खुल्ला म्याराथुन प्रतियोगिताको आयोजना गर्न लागेको हो । एर्सईई परिक्षापछिको समयमा विद्यार्थीहरुमा नैराश्यता पलाउने, खाली समय धेरै हुने कारणले दुव्र्यसनको अत्याधिक जोखिम हुने भएकाले ज्ञानकुञ्ज शैक्षिक प्रतिष्ठानले नेपालकै इतिहासमै पहिलो पटक ज्ञानकुञ्ज म्याराथुनको आयोजना गर्न लागेको हो ।

‘विद्यार्थीहरुमा प्रतिस्पर्धाको भावनाको विकास गराउँदै उनीहरुलाई कुलतको जोखिम कम गराउन म्याराथुनको आयोजना गर्न लागेको ज्ञानकुञ्ज शैक्षिक प्रतिष्ठानका अध्यक्ष सुरकृष्ण वैद्यले बताए । नेपालभरीकै एसईइ परिक्षा दिएर बसेका विद्यार्थीहरुले म्याराथुनमा सहभागी बन्न पाउनेछन् । प्रतियोगिता छात्रा र छात्र दुबै विधामा संचालन हुनेछ । ज्ञानकुञ्ज म्याराथुनमा प्रथम हुने विद्यार्थीले १५ हजार, दोस्रो हुनेले १० हजार र तेस्रो हुनेले ५ हजार पाउनेछन् ।
किल एडिकसन, स्टे हेल्दीको नारा बोकेर आयोजना हुन लागेको म्याराथुन आगामी जेठ ३२ गते बनेपामा संचालन हुने ज्ञानकुञ्ज शैक्षिक प्रतिष्ठानका निर्देशक प्रताप वैद्यले बताए ।

प्रतियोगिताको छात्र तर्फ ६ किलोमिटर लामो म्याराथुन हुनेछ भने छात्रातर्फ ३ किलोमिटरको हुनेछ । म्याराथुनमा सहभागी हुन चाहने विद्यार्थीले यो पटक एसईई परिक्षामा सहभागी भएको प्रमाण पेश गरेर सहभागी बन्न सक्नु हुनेछ । सामाजिक उत्तरदायित्य बहन गर्दै ज्ञानकुञ्जले बिगत देखिनै समाजमा प्रत्यक्ष रुपमा लाभ हुने र समुदायको बिकासको निमित्त काम गर्दै आएको छ । म्याराथुनले पनि विद्यार्थीहरु बिच एकताको भावना र प्रतिष्पर्धा गर्नु पर्ने रहेछ भन्ने सन्देश दिनेछ ।

:406 Views

Leave a Reply