पिएससिएन नृत्य महोत्सव सम्पन्न (फोटो फिचर)

ललितपुर, माघ २४ । प्रि स्कुलहरुको समूह प्रि स्कुल कमिटी अफ नेपाल (पिएससिएन) को आयोजनामा नृत्य महोत्सव सम्पन्न भएको छ ।

ललितपुर जावलाखेलस्थित सेन्ट जेभियर्स स्कुलमा भएको उक्त कार्यक्रममा १९ विद्यालयका ४४० जना विद्यार्थीहरुले नृत्य प्रस्तुती गरेका थिए । अभिभावकहरुको बाक्लो उपस्थिती रहेको उक्त कार्यक्रममा विद्यार्थीहरुले नेपाली लोक गीत, झाक्री, नेपाली संस्कृति झल्कने नृत्यहरु प्रस्तुत गरेका थिए ।

कार्यक्रमलाई स्वागत गर्दै पिएससिएनका सचिव पूजा गौतमले पिएससिएनका बारेमा र यसका गतिविधीका बारेमा जानकारी दिएका थिए । ७ वटा विद्यालयबाट सुरु भएको यो संस्थामा अहिले २० वटा विद्यालय संलग्न रहेको उनले जानकारी दिए । नृत्य महोत्सव पिएससिएनको नियमित वार्षिक कार्यक्रम भएको यस्ता खालका कार्यक्रमहरु संस्थाले आगामी दिनमा पनि गरिरहने उनले बताए ।

कार्यक्रममा विशेष अतिथी केन्द्रिय प्याब्सनका सचिव एवं हिमालय स्कुल÷कलेजका निर्देशक संगीता सिलवाल ऐरले अभिभावकहरुलाई आफ्नो बच्चालाई अरुसँग तुलना नगर्न आग्रह गरेका थिए । उनले कार्यक्रमको प्रशंसा गर्दै आफूलाई पनि यस संस्थामा आवद्ध गराउन उनले आग्रह गरिन् ।

पिएससिएनका अध्यक्ष सभयाता खड्का स्वारले कार्यक्रम सम्पन्न गराउने सहयोगी सबैलाई धन्यवाद व्यक्त गरेकी थिइन् ।

 

Photo: Bal krishna Prajapati/Nuwagi.com

:853 Views

Leave a Reply