पुस पहिलो साताबाट एजे भलिबल कप

भक्तपुर । भक्तपुरको सूर्यविनायकस्थित आदर्श ज्योति(एजे) इङ्लिश सेकेण्डरी स्कुलको आयोजनामा पुस ७ गतेबाट ‘एजे कप अन्तर विद्यालय भलिबल टुर्नामेन्ट’ हुने भएको छ।

पाँचौ संस्करणको हुने सो स्पर्धामा छात्र र छात्रा दुबै समूहले भाग लिन पाउने विद्यालयले जनाएको छ। माध्यमिक तहमा अध्ययनरत विद्यार्थीबीच हुने सो प्रतियोगितामा एउटामात्र समूह दर्ता गर्न रु. ३ हजार र दुई वटा समूह दर्ता गर्न रु. ५ हजार लाग्ने छ । प्रतियोगिता नेपाल भलिबल संघको नियमानुसार खेलाइने आयोजकले जनाएको छ ।

प्रथम, द्वितीय र तृतीय हुने विद्यालयलाई सिल्ड, मेडल र नगद प्रदान गरिने भएको छ । साथै उत्कृष्ट स्पाइकर, सेटर, ब्लकर र सर्भरलाई पनि पुरस्कृत गरिने स्कुलले जनाएको छ ।

स्पर्धा पुस १० गते सकिने आयोजकले जनाएको छ । राष्ट्रिय खेलको रुपमा भलिबललाई घोषणा गरेपछि खेलको विकासको लागि नियमित रुपमा स्पर्धा गरिरहेको विद्यालयका प्रिन्सिपल कृष्णराम दुवालले बताए ।

स्पर्धा सम्पन्न गर्नका लागि प्राविधिक समिति गठन गरिएको राष्ट्रिय भलिबल रेफ्री रुकेश शाहीले बताए ।

:682 Views

Leave a Reply