फेका अन्तरविद्यालय चित्रकला तथा हस्तलेखन प्रतियोगिता सम्पन्न

feca sport

काठमाडौं, १७ जेठ । पेप्सीकोलास्थित प्रितिमा सेकेन्डरी स्कुलले कक्षा ५ सम्मका विद्यार्थीहरुको सहभागितामा फेका अन्तरविद्यालय चित्रकला तथा हस्तलेखन प्रतियोगिता गरेको छ ।

जम्मा २१ विद्यालयको सहभागिता रहेको चित्रकलाको स्पर्धामा गोठाटारको गोठाटार इंग्लिस स्कुलका प्रमोद मगर प्रथम, कस्मिक इन्टरनेशनल एकेडेमीका हर्षित पन्त द्धितीय र पुष्पबाटिका स्कुलका प्रिन्सि जेसवाल तृतीय भएको आयोजक विद्यालयले जनाएको छ ।
त्यस्तै नेपाली हस्तलेखन प्रतियोगितामा करियर इन्टरनेशनल एकेडेमीका निर्जला बानियाँ, गोल्डेन वर्ड स्कुलका सपना ढकाल, प्रितिमा सेकेन्डरी स्कुलका सुरज चौधरी क्रमशः प्रथम, द्धितीय र तृतीय भएका छन् ।

त्यस्तै अंग्रेजी हस्तलेखनमा मनांक चिल्ड्रेन्स स्कुलका आदित्य राई प्रथम, विद्या विकास स्कुलका आर्जन दहाल द्धितीय र पुष्पबाटिका स्कुलका ममता खड्का तृतीय भएका छन् ।

कार्यक्रमका विजयी विद्यार्थीहरुलाई प्याब्सनका केन्द्रीय उपाध्यक्ष विमल थापा र कार्यक्रम संयोजक एवं आयोजक स्कुलका प्रधानाध्यापक मुरारीप्रसाद सन्जेलले संयुक्त रुपमा ट्रफी, मेडल प्रदान गरेका थिए ।

हस्तलेखनका निर्णायक अभिषेक घिमिरे र चित्रकलाका निर्णायकले विद्यार्थीले गरेका गल्तीलाई औल्याउँदै ती गल्ती नदोहो¥याउन आग्रह गरेका थिए ।

:588 Views

Leave a Reply