ब्रिजवाटर कलेज र सैनिक स्कुल सेमिफाइनलमा प्रवेश

भक्तपुर, ७ पुस । ब्रिजवाटर इन्टरनेशनल कलेजको आयोजनामा भई रहेको ब्रिजवाटर कप २०१९ को सेमिफाइनल खेलमा ब्रिजवाटर कलेज र सैनिक स्कुल प्रवेश गरेको छ ।

आज भएको पहिलो खेलमा लिटिल एन्जल्स स्कुलले विनायक शिक्षा निकेतनलाई ४—३ गोलले पराजित गरेको थियो । जितसँगै लिटिल एन्जल्स स्कुलले क्वाटर फाइनलको लागि आफ्नो स्थान पक्का गरेको छ । उक्त खेलमा लिटिल उन्जल्स स्कुलका सुरज चन्द्र म्यान अफ द म्याच घोषित भएका थिए । आज भएको दोस्रो खेलमा आयोजक ब्रिजवाटर कलेजले माइलस्टोन कलेजलाई २—१ ले पराजित गर्दैै सेमिफाइनलमा आफ्नो स्थान सुनिच्छित गरेको छ । खेलको म्यान अफ द म्याच ब्रिजवाटर इन्टरनेशनल कलेजका रोशन सिंह विष्ट घोषित भएका थिए ।

त्यस्तै आज भएको तेस्रो खेलमा सैनिक आवासिय महाविद्यालयले ब्राइट फ्युचर एकेडेमीलाई ३—० गोल अनतरले पराजित गरी सेमि फाइनलमा प्रवेश गरेको छ । सो खेलमा म्यान अफ द म्याच सैनिक आवासिय महाविद्यालयका सर्वोच्च राई घोषित भएका थिए ।

:459 Views

Leave a Reply