रोम्बस नेशनल कलेजको उद्घाटन, सतप्रतिशत छात्रवृत्तिको घोषणा

भक्तपुर, १८ साउन । भक्तपुरमा नयाँ कलेज सञ्चालनमा आएको छ । शिक्षाको केन्द्र र उत्कृष्ट शैक्षिक गन्तव्यको रुपमा चिनिएको भक्तपुरमा स्नातक तहको पठनपाठन हुने गरी कमलविनायक क्षेत्रमा रोम्बस नेशनल कलेज सञ्चालनमा आएको हो ।

सो कलेजको उद्घाटन चाँगुनारायण नगरपालिकाका नगरप्रमुख सोमप्रसाद मिश्र र द्वन्द्व व्यवस्थापनविद् बालानन्द शर्माले संयुक्त रुपमा गरेका थिए । चाँगुनारायण नगरपालिका वडा नं.७ वागेश्वरीमा यही शैक्षिक सत्रदेखि स्नातक तहमा बीएसडब्लू र बीबीएसको पठनपाठन गर्ने गरी कलेज सञ्चालनमा ल्याइएको कलेजका प्रिन्सिपल डा. राजेन्द्र कोजूले जानकारी दिए । ‘विद्यार्थीहरुलाई प्रयोगात्मक र व्यवहारिक रुपले शिक्षा दिनका लागि कलेज सञ्चालनमा ल्याएका हौं ।’ उनले भने ।

कलेजको सुरुवातको क्रममा प्रिन्सिपल कोजूले आर्थिक अभावका कारण अध्ययनलाई निरन्तरता दिन असमर्थ विद्यार्थीलाई विशेष सहुलियतको व्यवस्था रहेको बताए । उनले भने, ‘यो कलेज आम्दानी गर्नका लागि खोलिएको हैन, शिक्षामा थप योगदान दिनका लागि खोलिएको हो ।’

कलेज उद्घाटनको क्रममा नगरप्रमुख मिश्र र द्वन्द्व व्यवस्थापनविद् शर्माले कलेजमा भर्ना भएका विद्यार्थीहरुलाई ‘शतप्रतिशत छुट’ को पत्र प्रदान गरेका थिए । कार्यक्रममा उनीहरुले शिक्षा सुधारका लागि थुप्रै सुधार गर्न जरुरी रहेको उल्लेख गरे ।

:382 Views

Leave a Reply