लिटिल फ्लावर्स स्कुलको अभिभावक दिवस सम्पन्न

ललितपुर । सहकारीबाट संचालित लिटिल फ्लावर्स पब्लिक स्कूलको आयोजना भाद्र २७ गते शुक्रबार “Junior Parents Day 2076” भब्यताका साथ सम्पन्न गरेको छ ।

नेपाल सरकारको माननीय शिक्षा मन्त्री गिरीराजमणी पोखरेलको प्रमुख आतिथ्यतामा सम्पन्न भएको उक्त कार्यक्रममा प्ले गु्रपदेखि कक्षा ४ सम्मका सम्पूर्ण भाइबहिनीहरुको सहभागीता रहेको थियो । कार्यक्रममा विद्यार्थी भाइबहिनीहरुले साँस्कृतिक नृत्य, गीत, राइम्स, नाटक तथा कविता वाचन जस्ता प्रस्तुती समावेस भएका थिए । यस कार्यक्रमबाट विद्यार्थी भाइबहिनीहरुको सामाजिक सदभावको वृद्धि, नेतृत्व विकास, शारीरिक तथा मानसिक विकास भएको छ । यस विद्यालय सहकारी अवधारणाबाट सञ्चालनमा आएको र यसलाई अझ बढी गुणस्तरीय शिक्षा प्रदान गर्न संस्थाको रुपमा स्थापना गर्न यस कार्यक्रमको प्रमुख अथिती माननीय शिक्षा मन्त्री पोखरलेको जोड थियो । यस विद्यालयलाई राष्ट्रिय क्षेत्रमा मात्र नभई अन्तराष्ट्रिय क्षेत्रमा पनी पहुँच पुर्याउन उहाँको अनुरोध थियो । यस विद्यालयको सम्पूर्ण विद्यार्थीहरु अन्तर्राष्ट्रियस्तरमा प्रतिस्पर्धा गर्न सक्ने कुरामा उहाँ विश्वस्त भएको जानकारी गराउनु भयो ।

कार्यक्रमका अध्यक्ष तथा विद्यालय व्यवस्थापन समितिका अध्यक्ष अधिवक्ता लक्ष्मण महर्जनले, विद्यालयले ब्रिटिस काउन्सिल अन्तर्राष्ट्रिय विद्यालय पुरस्कार (आइएसए) प्राप्त गरे पनि विभिन्न चुनौतीहरु थपिँदै जाने र त्यसलाई सकारात्मक ढँगबाट सामना गर्दै गुणस्तरीय शिक्षा र विद्यार्थीहरुको भविष्य माथि कसैले खेलबाड गर्न नहुने कुरामा विद्यालयका प्रिन्सिपल विकेश महर्जनको जोड थियो । कार्यक्रमलाई सभ्य र भब्य बनाउन सहयोग पुर्याउनु सम्पूर्ण विद्यार्थीहरु, शिक्षक वर्ग अतिथी तथा अभिभाावकहरुलाई धन्यवाद दिँदै विद्यालयका सहप्रिन्सिपल दिलिपकुमार श्रेष्ठले सभा बिसर्जन गरेका थिए ।

:771 Views

Leave a Reply