वल्ड स्कलर्स कप सम्पन्न

ललितपुर । नेपालमै पहिलोपटक प्रिमियर इन्टरनेशनल स्कुल, खुमलटारको हातामा वल्र्ड स्कलर्स कप प्रतियोगिता अन्तर्गतको क्षेत्रीय दौड आयोजना गरिएको छ ।
प्रतियोगितामा काठमाडौं उपत्यकाका १० विद्यालका ३२८ जना विद्यार्थीको ११० टिमको सहभागिता रहेको थियो । यस वर्षको नारा ‘वल्ड
अन मार्जिन्स’ थियो ।

हरेक तीन सदस्यको समुहमा विभाजित सहभागि विद्यार्थीले विज्ञान, इतिहास, साहित्य, सामाजिक सेवा, कला सङ्गीत र विविध विषयमा आजका विशेष र प्रधान मुद्दाका समाधान खोज्ने प्रयास गर्नुपर्ने कार्यक्रमका संयोजक तथा विद्यालयका भाइस प्रिन्सिपल प्रदिप बज्राचार्यले जानकारी दिनुभयो ।

प्रतियोगितामा स्कलर्स बल, संयुक्त लेखन, स्कलर्स च्यालेन्ज र समुह वादविवाद गरी चार तहमा कार्यक्रम सञ्चालन भएको थियो । यी तहमा दर्शाएका प्रदर्शनमा आधारित विद्यार्थीलाई विभिन्न मापदण्डमा मूल्याङ्कन गरिएको थियो ।

सहभागी समुहमा उत्कृष्ट मुल्याङ्कन पाउने समुहलाई क्षेत्रीय दौड पश्चात विद्यार्थीहरु अन्य ६ देशहरु चीन, फिलिपिन्स, अष्ट्रेलिया, दक्षिण अफ्रिका, नेदरल्याण्ड र कजाकास्थान मध्ये कुनै एक देश छनौट गरी त्यसपछिको अन्तर्राष्ट्रि«य चरण (ग्लोबल राउण्ड) मा सहभागी हुने अवसर प्राप्त गर्नेछन् । ग्लोबल राउण्डमा विश्वभरिका हजारौं संख्यामा विद्यार्थीहरुको सहभागिता रहने छ । ग्लोबल राउण्डबाट पनि छनौट हुन सफल विद्यार्थीहरु अमेरिकाको प्रसिद्घ येल विश्वविद्यालयमा टुर्नामेन्ट अफ द च्याम्पियन्समा कडा भन्दा कडा प्रतिष्पर्धीका रुपमा
आफुलाई उभ्याउनु पर्नेछ ।
दुई दिनसम्म सन्चालन भएको प्रतियोगितामा राष्ट्रिय तथा अन्र्तराष्ट्रिय क्षेत्रका निर्णायक मण्डल तथा शिक्षक शिक्षिकाहरुको उपस्थित रहेको थियो । यी दुई दिनको अवधिमा विद्यार्थीले आफनो सहयोगात्मक कौशलता, विश्लेषणात्मक कौशलता, लेखन कला तथा आलङ्कारिक कौशलता प्रस्तुत गरेका थिए । आप्mनो तर्क, ज्ञान, सीपको प्रयोग गर्दै विद्यार्थीहरुले निरन्तर रुपमा आफनो समुहको सफलता र जीतका लागि लागिरहे ।

अन्तिम दिन विद्यार्थीहरुका आफुभित्र लुकेर रहेका प्रतिभा प्रदर्शन गर्न ट्यालेन्ट सो पनि आयोजना गरिएको थियो । यस्ता ट्यालेन्ट सो बाट विदेशबाट आएका कार्यक्रम सन्चालकले पनि नेपाली कला संस्कृति प्रत्यक्ष अवलोकन गर्ने मौका पाएका थिए । कार्यक्रमको अन्तिममा पुरस्कार वितरणको कार्यक्रम रहेको थियो ।
उक्त कार्यक्रममा विद्यालयकी प्रिन्सिपल शिरिष श्रेष्ठ तथा वल्र्ड स्कलर्स कपका संस्थापक डानियल ब्रडिचेस्कीको पनि उपस्थिति रहेको थियो । विजयी समुह र विद्यार्थीलाई पुरस्कृत गरियो र यसका साथै आगामी प्रतियोगिताका लागि स्वागत गर्दै भव्यता पूर्वक कार्यक्रम सुसम्पन्न भयो । नेपालमा पनि अन्तर्राष्टियस्तरको कार्यक्रम संचालन गर्न सकिने र नेपाली विद्यार्थीहरुले पनि विश्वमा आप्mनो प्रतिभा देखाउने एउटा मौका यस कार्यक्रमले दिएको कार्यक्रम संयोजक तथा विद्यालयका भाइसप्रिन्सिपल प्रदिप बज्राचार्यले बताउनुभयो ।

:684 Views

Leave a Reply