वागीश्वरी उपदान कोषको तेस्रो साधारण सभा सम्पन्न

भक्तपुर– वागीश्वरी उपदान (सञ्चिति) कोषको तेस्रो साधारण सभा कार्तिक २३ गते शनिबार सम्पन्न भएको छ ।  कार्यक्रमका प्रमुख अतिथि वागीश्वरी कलेज व्यवस्थापन समितिका अध्यक्ष तथा भक्तपुर नगरपालिकाका प्रमुख सुनिल प्रजापतिले वागीश्वरी मावि नमूना घोषणा भएकोमा बधाईज्ञापन गर्दै सामूहिक योगदानको परिणाम नै आज यो सफलता वागीश्वरीले प्राप्त गरेको बताउनुभयो ।

देशको सबै क्षेत्रमा राज्यको स्वामित्व वा पहुँच बढाउँदै लग्ने समाजवादउन्मुख संविधानको मर्म विपरीत सरकारले सम्पूर्ण देशवासीको सेवा गर्न माग भईरहेको ख्वप विश्वविद्यालयलाई स्वीकृति नदिई निजी विश्वविद्यालयको स्थापनातिर राज्य केन्द्रित हुनु जनतालाई धोखा दिनु हो उहा“ले भन्नुभयो ।  निर्वाचनको समयमा शिक्षामा २० प्रतिशत लगानी गर्ने घोषणापत्रमा उल्लेख गरेको नेकपाले आफ्नो नेतृत्वमा गठित सरकारले शिक्षामा झन्झन् लगानी घटाउदै लग्नु नेकपा पनि पू“जीवादी दल नै भएको स्पष्ट पार्दै उहा“ले भक्तपुर नगरपालिका सभ्य, सुसंस्कृत समाज निर्माणमा जुटिरहेको छ भन्नुभयो ।

हाम्रो प्रगति योगदानको उपज भएको स्पष्ट पार्दै उहाँले सम्पूर्ण शिक्षक शिक्षिकालाई कर्मचारी स्वभावबाट मुक्त हुन अनुरोध गर्नुभयो । योगदानको अर्थ संस्थाले किनेको समयभन्दा थप हुने स्पष्ट पार्नुभयो । सञ्चार माध्यममा व्यायामशालाको विषयमा चर्चा भईरहेको प्रसङ्गमा उहा“ भन्नुहुन्छ, ‘भक्तपुर नगरपालिकाले कुनै एक क्षेत्रलाई मात्र नभएर सरकारले हेर्नुपर्ने नगरका सम्पूर्ण क्षेत्रलाई बिस्तारै नमूनाको रूपमा अगाडि बढाइरहेको छ ।’

हजारौं युवा विद्यार्थीहरु विदेशिरहेकोमा चिन्ता व्यक्त गर्दै उहाँले हामीले दिएको शिक्षा खेर जान नदिन विद्यार्थीहरुलाई देशभक्त, अनुशासित, समाजप्रति समर्पण भावना जगाउन सम्पूर्ण शिक्षकहरुलाई अनुरोध गर्नुभयो । कार्यक्रमका सभापति तथा वागीश्वरी कलेजका प्राचार्य धनकुमार श्रेष्ठले प्रतिवेदन प्रस्तुत गर्नुभएको उक्त कार्यक्रममा विद्यालयका प्रधानाध्यापक कृष्णप्रसाद धन्छा, सहायक प्रधानाध्यापक ज्ञानसागर प्रजापतिलगायतले बोल्नुभएको थियो ।

:412 Views

Leave a Reply