विद्यार्थीलाई बधाईसँगै बिदाई

भक्तपुर १ असोज । नौलो ज्योति अङ्ग्रेजी स्कूलमा २०७४ सालको एसइइ उत्तीर्ण विद्यार्थीहरूलाई बधाई तथा बिदाइ गरिएको छ ।

विविध मनोरञ्जनात्मक कार्यक्रमका साथ सम्पन्न सो कार्यक्रममा एसइइ उत्तीर्ण विद्यार्थीहरूलाई विद्यालयका तर्फबाट टीका, सगुन, खादा तथा पदकले सम्मान गरिएको थियो ।

गत वर्ष अन्ठाउन्न जना विद्यार्थीहरू एसइइमा समावेश भएका थिए । जसमाा २१ जना एप्लस, १९ जना ए, १२ जना बी प्लस, ४जना बी, १ जना सी प्लस र १ जनाले सी ग्रेड ल्याएका थिए ।

कार्यक्रममा विद्यालयका प्रधानाध्यापक शिवकृष्ण श्रेष्ठ, माध्यमिक तहका इन्चार्ज राजेन्द्र सिग्देल, शिक्षिका सुशीला श्रेष्ठले मात्र नभएर विद्यार्थीहरु उरीषा श्रेष्ठ र छात्र श्रृजन भण्डारीले पनि शुभकामना तथा बधाई मन्तब्य दिएका थिए । त्यस्तै एसइइ उत्तीर्ण विद्यार्थीका तर्फबाट प्रजीता काफ्ले र अनिश श्रेष्ठले बोलेका थिए ।

:510 Views

Leave a Reply