विनायकका कक्षा ६ का विद्यार्थीहरूद्धारा सहयोग

भक्तपुर । मध्यपुर ठिमी अवस्थित विनायक शिक्षा निकेतन ई.सेकेण्डरी स्कुलमा कक्षा ६ मा अध्ययनरत विद्यार्थीहरूले समाजसेवा र मानवसेवाका क्षेत्रमा नयाँ कार्यको थालनी गरेका छन् ।
यसै सिलसिलामा मध्यपुर ठिमी मै अवस्थित सिबिआरु संस्थाद्धारा सञ्चालित विद्यालयका विद्यार्थीहरूलाई खाजा तथा स्टेशनरी सामाग्री वितरण गरिएको थियो । शिक्षा, सभ्यता र संस्कार विद्यालयको मूलमन्त्र रहेको उक्त विद्यालयमा विद्यार्थीहरूले आफूले खाने खाजाबाट केही पैसा बचत गरेर तथा जन्मदिनको अवसरबाट केही रकम संकलन गरेर सो उदाहरणीय कार्य गरेका हुन् । वर्ग शिक्षिकाहरूको संयोजन तथा विद्यालयका प्र्रिन्सिपल सुरेन्द्रविक्रम प्रजापति स्वयं उपस्थित भई मानवीय सेवाबाट अभिप्रेरित हुर्दै सो संस्थाद्धारा संञ्चालित विद्यालयका विद्यार्थीहरूलाई सानो सहयोग गर्न सफल भएको प्रिन्सिपल प्रजापतिले बताए ।

:380 Views

Leave a Reply