सुदेशाका विद्यार्थी सरसफाईमा

ललितपुर, २० असोज — सुदेशा स्कुलका विद्यार्थी स्थानीय बिष्णु देवी मन्दिरको सरसफाईमा जुटेका छन् । डुक अफ एडिनबर्ग अन्तर्राष्ट्रिय पुरस्कारको लागि प्रतिस्पर्धा गरिरहेका विधार्थीहरुद्वारा आयोजित उक्त कार्यक्रममा अन्य समुदायको पनि बाक्लो उपस्थिति रहेको थियो । उक्त पुरस्कारका चार विधा मध्य सामाजिक सेवा विधा अन्तर्गत विद्यार्थीले भाग लिएका हुन् । कार्यक्रमको उद्घाटन ललितपुर महानगरपालिका वार्ड नम्बर ४ का सचिब नारायण केसीले गरेका थिए । उनले सुदेशा स्कुलजस्तो विद्यालय आफु बसेको वार्डमा पाउँदा गर्वको महसुस हुने र विद्यार्थीहरुको जिवन उपयोगी शिप विकासमा काम गरेको पाउँदा गर्व महसुस गरेको बताए । उक्त कार्यक्रम नेप्सेम्याकको सहिजिकरणमा सम्पन्न भएको थियो भने बागडोल विकास समाज, एकता टोल सुधार समिति, नख्खु सुधार गृह लगायतको सहभागिता थियो ।

:538 Views

Leave a Reply