हेब्रोन स्कुलको दिक्षान्तमा नाचे शिक्षक र अभिभावक

काठमाडौं । सिसिआरसि कलेज सुर्यकोट, कोटेश्वरको जुनियर विङ्ग अर्थात हेब्रोन स्कुलमा अध्यनरत पुर्व प्राथमिक तहका विद्यार्थीहरुको चौथो दिक्षान्त शनिबार सम्पन्न भयो ।
संस्थागत विद्यालय सचालकहरुको मञ्च (फिजम) का उपाध्यक्ष एवम् भिमेश्वर एकेडेमी गोठाटारका संस्थापक प्रिन्सिपल अमृत कुमार खड्का, हेब्रोन स्कुलका प्रिन्सिपल अरुण कुमार कँडेल र अभिभावकहरुले पालैपालो युकेजीदेखि ३ कक्षासम्मका ७८ जना विद्यार्थीलाई कालो टोपी लगाईदिएर सुशोभन गरेका थिए ।
कार्यक्रममा विद्यार्थीहरुले विभिन्न जातजातिले लगाउने परम्परागत भेषभुषा प्रर्दशन गर्नुका साथै विभिन्न गीतमा नृत्य प्रस्तुत गरेका थिए । साना केटाकेटीहरुको प्रस्तुतिमा प्रमुख अतिथिदेखि विद्यालयका प्रिन्सिपल, शिक्षक र अभिभावकहरु सबैजना स्टेजमा गएर नाचेका थिए ।
त्यस अवसरमा फिजमका उपाध्यक्ष खड्काले वर्तमान सरकारले नीजि विद्यालयको योगदान चटक्कै बिर्सेर उनीहरुलाई बचाउँदै शिक्षा विकासको लागि चाल्नुपर्ने ठोस कदम चाल्न नसकेकोमा गुनासो गरे ।
प्रिन्सिपल अरुण कँडेलले समयको माग अनुसार सबै तहका विद्यार्थीहरुलाई पढाईको साथै अतिरिक्त कृयाकलापमो उत्तिकै जोड दिँदै आएको उल्लेख गर्दै पछिल्लो समयमा हेब्रोन स्कुलले जडिबुटी, नरेफाँट, सुर्यकोट र कोटेश्वरको मात्रै नभई अन्य ठाउँका अभिभावकहरुको ध्यान खिच्न सफल भएको बताए ।

:657 Views

Leave a Reply