विद्यालयद्वारा समर स्प्ल्यासको तयारी

भक्तपुर, ३१ भदौ । बढ्दो गर्मीलाई छल्न सहयोग पुर्याउने उद्देश्यले भक्तपुरमा समर स्प्ल्यास् हुने भएको छ ।

भक्तपुरको सल्लाघारीस्थित राजर्षी गुरुकुल स्कुलको आयोजनामा यही असोज ६ गते शनिबार सो कार्यक्रम गर्न लागेको हो ।

विद्यालयको वार्षिक कार्यक्रमको रुपमा रहेको सो कार्यक्रम आयोजक विद्यालयको प्राङ्गणमा हुने विद्यालयले जानकारी दिएको छ । विद्यालयले विद्यार्थीहरुलाई पढाइ बाहेकका अन्य साहसिक खेलकुद र मनोरञ्जन दिन सो कार्यक्रम गर्न लागेको विद्यालयले जनाएको छ ।

नजिँकिदै गरेको दशैं तिहार बिदा अगाडि विद्यार्थीहरुमा हर्षित र पारिवारिक वातावरण सिर्जना गर्न सो कार्यक्रम सञ्चालित गर्न लागेको विद्यालयका प्रध्यानाध्यापक लियोन श्रेष्ठले बताए । ‘समर स्प्ल्यास्ले विद्यार्थी र अभिभावक तथा नयाँ साथीहरुले एक अर्काबाट केही सिक्ने अवसर पाउँदछन् ।’ उनले भने ।

कार्यक्रममा घोडा सवारी, प्रत्यक्ष साङ्गितिक ब्यान्ड शो, फेस पेन्टिङ्ग, जादु शो, भुत घर, स्विमिंग र बिंगो खेल पनि हुने विद्यालयले जानकारी दिएको छ ।

कार्यक्रमकै अवसरमा र्याफल चिठ्ठा खेल पनि आयोजना हुने भएको छ । सो खेलमा प्रथम, द्वितीय र तृतीय हुनेलाई क्रमशः स्कुटर, एलईडी टेलिभिजन, वासिङ मेशिन उपहारको व्यवस्था गरिएको छ ।

:1122 Views

Leave a Reply