विद्यासंस्कारमा सांस्कृतिक नृत्य प्रतियोगिता

काठमाडौं । लाखेचौरमार्ग, नयाँबानेश्वरस्थित विद्या संस्कार स्कुलले अन्तर्राष्ट्रिय बालअधिकार दिवसको अवसरमा प्रथम उपत्यकाव्यापी अन्तरविद्यालय सांस्कृतिक नृत्य प्रतियोगिता २०७५को आयोजना ग¥यो ।

विद्या संस्कार स्काउट ट्रुपको सहकार्यमा गरिएको नृत्य प्रतियोगितामा उपत्यकाका १७ विद्यालयका स्काउट ट्रुपका विद्यार्थीले भाग लिएका थिए ।

सो कार्यक्रममा लभ्ली एन्जेल्स अंगे्रजी आवासीय विद्यालय प्रथम, हेम्स स्कुल द्वितीय र तिलिङ्गाटार मावि तृतीय हुनुका साथै प्यासिफिक एकेडेमी र बुढानिलकण्ठ मोडेल कम्युनिटी एकेडेमीले सान्त्वना पुरस्कार प्राप्त गरेका थिए भने गणेश माविका नृत्य निर्देशकले उत्कृष्ट नृत्य निर्देशकको उपाधि पाएको विद्यालयका प्रशासकिय प्रमुख प्रणय मोक्तानले बताए ।

प्राध्यापक तथा वरिष्ठ नृत्य निर्देशक हनी श्रेष्ठसहितको निर्णायक मण्डलले मूल्याङ्कन गरेको सो प्रतियोगिताका विजेताहरुलाई विद्यालयका निर्देशक एव्म संस्थापक प्रधानाध्यापक सुधिरकुमार झा लगायतले शिल्ड, पदक तथा प्रमाणपत्र वितरण गरेका थिए ।

 

:606 Views

Leave a Reply