वादविवादमा सुजन प्रथम, तृष्णा र समीक्षा द्धितीय, तीन विद्यार्थी तृतीय

भक्तपुर । भक्तपुरमा भएको उपत्यकाव्यापी वादविवाद प्रतियोगितामा मोर्डन इंगलिश स्कुल दधिकोटका सुजन सापकोटा प्रथम भएका छन् ।

स्पोर्टस् फर अल कमिशन नेपाल ओलम्पिक कमिटी र एभरेष्ट इगलिश स्कुल मिवाछें भक्तपुरको संयुक्त आयोजनामा भएको प्रतियोगितामा सैनिक आवासीय महाविद्यालय भक्तपुरका तृष्णा थापा र नेक्सस इन्टरनेशल स्कुल काठमाडौंका समीक्षा मल्ल संयुक्त रुपमा द्धितीय भए ।

प्रतियोगितामा तीनजना संयुक्त रुपमा तृतीय भए । सीभीएम स्कुल भक्तपुरका शिवज्योति भटराई, इनोभेटिभ इंगलिश स्कूल काठमाडौंका सृष्टि बन्जारा र मनकामना इंगलिश स्कुल भक्तपुरका श्रीषा खड्का संयुक्त रुपमा तृतीय भए । आरोग्य, मित्रता र प्रतिष्ठाका लागि खेलकुद भन्ने विषयमा भएको वादविवादमा उत्कृष्ट विद्यालय तथा विद्यार्थीलाई आयोजक एभरेष्ट स्कुलका विद्यालय व्यवस्थापन समितिका अध्यक्ष रामगोपाल कर्माचार्य र स्कुलका संस्थापक प्रिन्सिपलभक्त राजभण्डारीले संयुक्त रुपमा पुरस्कार तथा प्रमाणपत्र वितरण गरे ।

प्रतियोगितामा काठमाडौं उपत्यकाका विभिन्न २१ वटा स्कुलहरुका ३५ विद्यार्थी प्रतिस्पर्धी थिए ।