छात्राहरुलाई स्टेम कार्यशाला

काठमाडौं । टिच फर नेपालले काठमाडौंमा ६ दिने ‘गल्र्स इन स्टेम आवासीय कार्यशाला’ गरेको छ । किशोरीहरुको स्टेम (विज्ञान, प्रविधि, इञ्जिनियरिंग, गणित) प्रतिको रुचि प्रवर्धन गर्न असोज ५ गतेदेखि १० गतेसम्म सो कार्यक्रम गरिएको थियो ।

आयोजक नेपालका पूर्व प्रज्ञार्थीहरुद्वारा आयोजित सोे कार्यक्रमले ग्रामीण भेगमा रहेका छात्राहरुलाइ स्टेमको बारेमा जागरुक गराउन र स्टेममार्फत आफ्नो भविस्य बनाउन उत्प्रेरणा दिने रहेको प्रज्ञार्थी ऋचा न्यौपानेले बताइन् । उनले भनिन्, ‘ग्रामीण प्रविधि, अनलाइन म्यापिंगका साथसाथै यसमा छात्राहरु आफ्नो समस्या समाधान गर्ने क्षमता, नेतृत्वबारे र समाधान गर्दा नयाँ प्रविधिको कसरी सहयोग लिने भन्ने बारे थाहा पाउँछन् ।’

११ विद्यालयबाट २० छात्राको सहभागितामा भएको कार्यशालाबाट छात्राहरु उत्साहित भएका थिए । टिच फर नेपालका पूर्व प्रज्ञार्थी शिना श्रेष्ठ भन्छिन् ‘यो कार्यशालाको मुख्य उद्देश्य छात्राहरुले उनीहरुका समस्या समाधान गर्न आफूले नै भूमिका खेल्न उत्प्रेरित गराउनु हो र यसको सुरुवात स्टेमबाट भएको छ । मौका मिले एक महिलाले पनि देश बदल्न आफ्नो योगदान दिन सक्छ ।’

आवासीय कार्यशाला अनुभूति इन्टरन्यासनल र युनेस्को काठमाडौंको संयुक्त आयोजनामा भएको कार्यक्रममा किशोरीहरुलाई काठमाडौ ल्याउन ‘युनेस्को मलाला फन्ड फर गल्र्स राइट टु एजुकेशन’ ले सहयोग गरेको थियो ।