खोजेको शिक्षक ल्याउन पाठ्यक्रम ‘चेञ्ज’

काठमाडौँ । सबै तहका शिक्षकका लागि समान लाइसेन्स दिँदै आएको शिक्षक सेवा आयोगले शिक्षण अनुमति पत्र(लाइसेन्स)को पाठ्यक्रम बदलेर विषयगत बनाएको छ ।

यसअघि एउटै पाठ्यक्रमका आधारमा परीक्षा हुने गरेकोमा अहिले विषयगत रूपमा परीक्षा लिई उत्तीर्णलाई लाइसेन्स दिने व्यवस्था गर्न त्यस किसिमको पाठ्यक्रम बनाएको आयोगले जनाएको छ ।

आयोगले लाइसेन्सको परीक्षा विषयगत रूपमा लिनका लागि बनाएको विषयगत पाठ्यक्रम आज वेवसाइटमार्फत् सार्वजनिक गरेको छ । आयोगले पहिला सामान्य रुपमा लिँदै आएको परीक्षालाई परिमार्जन गरी अबदेखि विषयगत रुपमा लिनका लागि पाठ्यक्रम प्रकाशित गरेको जनाएको छ ।

विषयगत शिक्षक र खोजेको शिक्षक ल्याउनका लागि सहयोग पुर्याउने भन्दै ल्याएको सो परीक्षाअन्तर्गत निम्न माध्यमिक र माध्यमिक तहका शिक्षक बन्ने परीक्षार्थीले उक्त परीक्षा उत्तीर्ण गरेर विषयगत रूपमा लाइसेन्स पाउने भएका छन् ।

‘अब लाइसेन्स दिँदा नै विज्ञताको परीक्षण हुन्छ, यसले हामीले खोजेका गुणस्तरीय शिक्षक फेला पर्नेछ ।’ आयोगको पाठ्यक्रम शाखाका एक अधिकारीले भने ।

:1434 Views

Leave a Reply