युरो किड्समा बाजेबज्यैको भेला

भक्तपुर, २८ असोज । भक्तपुरको सृजनानगरस्थित युरोकिड्स स्कुलमा शनिबार ग्र्राण्डप्यारेन्ट डे (बाजेबज्यै दिवस) कार्यक्रम भएको छ ।

कार्यक्रममा विद्यार्थीको घर र मामाघर दुबै तर्फका हजुरबुवा र हजुरआमालाई सहभागितामा गराइएको विद्यालयका प्रिन्सिपल नवराज काफ्लेले बताए । कार्यक्रममा विद्यार्थीले आफ्ना हजुरबुवा र हजुरआमालाई आफूले बनाएको शुभकामना कार्ड दिएका थिए ।

सो अवसरमा राष्ट्रियगानका रचनाकार ब्याकुल माइलाले विद्यालयको त्यस खालको कार्यक्रममा सहभागी हुन पाएकोमा खुसी भएका थिए । सानोबेलामै आमा गुमाएर हजुरआमाको दूध खाई हुर्केको सम्झँदै रचनाकार माइला भावुक भएका थिए ।

कार्यक्रममा कक्षा १ र २ कक्षा विद्यार्थीहरुले नृत्य प्रस्तुत गरेका थिए । उनीहरुले आफ्ना बाजे बज्यैसामु गीत गाउनुको साथै आफ्नो हजुरबाआमाले गर्ने मायाबारे बोलेका थिए ।