बेबिलोनका विद्यार्थी चीनमा

काठमाडौं । काठमाडौंको शान्तिनगरस्थित बेबिलोन नेशनल स्कुलका दुई विद्यार्थी सोमबार चीन पुगेका छन् । ‘द क्याम्प फर नेप्लिज योंगस्टर इन चाइना’ मा भाग लिन विद्यार्थी सुप्रिना राई र रइसा राई चीन गएका हुन् ।

चीनको राजधानी बेइजिङमा सोमबारदेखि सुरु भइरहेको उक्त क्याम्प शुक्रबार (२२ देखि २६ अक्टोबरसम्म) सकिनेछ । चीनीयाँ भाषा शिक्षक झांग होंगका साथमा विद्यार्थी चीन गएका थिए ।

नेपालस्थित चीनीया राजदूतावासले मुलुकभरका ४० विद्यालयका विद्यार्थीबीच केही महिनाअघि आयोजना गरेको चित्रकला प्रतियेगितामा बेबिलोन स्कुलकी सुप्रिना राई प्रथम भएकी थिइन् । सोही आधारमा सुप्रिना चीन जान लागेकी र उनीसँग चीनको अनुभव बटुल्न रइसा पनि चीन गएकी विद्यालयका संस्थापक प्रिन्सिपल राजु राईले बताए ।

चीन जान लागेका विद्यार्थीलाई बेबिलोन नेशनल स्कुलको इन्टरनेशनल स्कुल अवार्ड (आइएसए) को अर्डिनेटर अनिता सिग्देलले सोमबार त्रिभुवन अन्तर्राष्ट्रिय विमानस्थलमा बिदाइ गरेकी थिइन् ।

 

:567 Views

Leave a Reply