शिक्षामन्त्रीको असन्तुष्टि सम्बोधन हुने, साविकको जिशिका अब प्रदेश मातहत आउने

काठमाडौं । साविकको जिल्ला शिक्षा कार्यालयलाई प्रदेश मातहत राख्ने तयारी भएको छ ।

जिल्लामा रहेका शिक्षा विकास तथा समन्वय इकाईलाई जिल्ला प्रशासन कार्यालयबाट अलग गरिने प्रदेश मातहतमा राख्ने तयारी भएको शिक्षा मन्त्रालयले जनाएको छ । यसअघि शिक्षा मन्त्रालयको संगठन संरचना स्वीकृतको क्रममा इकाईलाई जिल्ला प्रशासन मातहत राख्ने निर्णय भएको थियो । सो निर्णयको शिक्षक, स्रोतव्यक्तिले मात्र नभएर स्वयम् शिक्षामन्त्रीले समेत असन्तुष्टि पोख्दै आएका थिए ।

शिक्षामन्त्री पोखरेलले इकाईलाई गृहमन्त्रालयमातहत राख्दा नसुहाउँदो टिप्पणी गर्दै आएका छन् ।

प्रशासन मातहत राख्दा इकाईले गर्दै आएको दैनिक कामकाज गर्न असहज भएको भन्दै प्रदेश मातहत अलगै कार्यालय राख्ने तयारी भएको शिक्षा मन्त्रालयले जनाएको छ ।

त्यसका लागि संघीय मामिला तथा सामान्य प्रशासन मन्त्रालय र अर्थ मन्त्रालयको राय मागेर प्रक्रिया अघि बढाएको मन्त्रालयका अधिकारीहरुले बताए ।

साविकको जिल्ला शिक्षा कार्यालयलार्य अहिले शिक्षा विकास तथा समन्वय इकाईका रुपमा प्रशासन मातहत इकाई राखिएको छ ।