आठ विषयमै ए–प्लस, सागरद्वारा नेपाल टपको दाबी

भक्तपुर ११ असार । माध्यमिक शिक्षा परीक्षा (एसईई) मा सबै विषयमा ए–प्लस ल्याएका छन् ।

भक्तपुरको सूर्यविनायक नगरपालिका वडा नं. २ बालकोटको प्रिसियस पब्लिक इङ्गलिस स्कुलका छात्र सागर वैद्यले आठ वटै विषयमा एप्लस ल्याएका हुन् ।

सिम्बोल नं.०२८४४२१ ‘जी’ का वैद्य २०७४ सालको एसईईमा सम्मिलित भएर सर्वोत्कृष्ट नतिजा ल्याउन सफल भएको विद्यालयले जनाएको छ । प्यूठान नगरपालिका–७ टिकुरी जन्मेर कक्षा २ सम्म मेरा प्रा.वि. टाकुरा चौर, कक्षा ७ सम्म प्यूठान भ्याली एकेडेमी, प्यूठान न.पा.–२ मा अध्ययन गरी कक्षा ८ देखि भक्तपुरको उक्त विद्यालयमा अध्ययन गरेका थिए ।  उनका बाबु स्वास्थ्य अधिकृत र आमा गृहिणी हुन् ।

सानैदेखि कक्षा प्रथम हुने गरेका उनी तीक्ष्ण बुद्धि, लगनशील, अनुशाशित तथा मेधावी छात्र भएको विद्यालय प्रधानाध्यापक भोला चौधरीले बताए ।

परीक्षा नियन्त्रण कार्यालयले प्रकाशन गरेको नतिजा अनुसार सबै विषयमा एप्लस ग्रेडसहित जिपीए ४ प्राप्त गरेपछि नेपाल प्रथम भएको विद्यालयले दाबी गरेको छ ।