मण्डलामय बन्यो जेन्यूइन

भक्तपुर । भक्तपुरको देकोचास्थित जेन्यूइन सेकेण्डरी स्कूलले तिहारको अवसरमा सोमबार मण्डला बनाउने प्रतियोगिता र देउसी भैलो कार्यक्रम गरेको छ ।

कला र संस्कृतिप्रति जिम्मेवारी बोध गराउन र सिर्जनात्मक कलाको विकास गर्न कार्यक्रम गरिएको विद्यालयले जनाएको छ ।

‘समयानुसार सक्षम, सबल, जिम्मेवार नागरिक निर्माणमा निरन्तर लागि विद्यालयले जीवनपयोगी व्यवहारिक शिक्षाका माध्यमबाट हरेक विद्यार्थीमा अन्तर्निहित प्रतिभाको प्रस्फुटन र व्यक्तित्व विकास एवं सामाजिकरण गर्दै लान कार्यक्रम गरिएको हो।’ विद्यालय प्रिन्सिपल योगेन्द्रमान बिजुक्छेंले भने । यस्ता कार्यक्रमबाट कला संस्कृतिको प्रवद्र्धन र सम्वद्र्धन हुने उनको भनाइ छ ।

कार्यक्रममा मण्डला बनाउनका लागि छुट्याइएका विद्यार्थीहरुको समूहले रुचिपूर्वक रंगीन र पृथक खालका मण्डला बनाएर विद्यालय परिसरलाई मण्डलामय बनाएका थिए ।

त्यही अवसरमा स्थानिय लगायत विभिन्न भेषभुषामा सजिएका साना नानीहरुबाट विद्यालयका विभिन्न शाखाहरु लगायत नजिकै रहेको शिशु स्याहार केन्द्रमा समेत देउसी भैलो र नाचगान गरी एक आपसमा खुशी साटासाट गरेको विद्यालयले जानकारी दिएको छ।

‘यस्तो कार्यक्रम आयोजनाले संस्कृति संरक्षणमा टेवा पुग्नुका साथै विदेशी संस्कृतिको प्रभाव पनि न्युनीकरणका गर्न र अपनत्वको विकास गरी सहकार्य र आपसी समझदारीमा एकचित्त भई कार्य गर्नुपर्ने सन्देश प्रवाह गर्न सकिन्छ ।’ प्रिन्सिपल बिजुक्छेंले भने ।