म्याप्स देउसी भैलो प्रतियोगिताको उपाधी गोल्डेन सुनगाभालाई

भक्तपुर, कार्तिक २० । MAPS ( Mutual Activities of Private School ) को आयोजनामा गोल्डेन सुनगाभा स्कुलमा भएको म्याप्स स्तरीय देउसी भैलो प्रतियोगिताको उपाधी गोल्डेन सुनगाभाले चुमेको छ ।
म्याप्समा आवद्ध विभिन्न विद्यालयहरुबीच भएको प्रतिस्पर्धामा द्वितीय स्थान चाणक्य स्कूलले हात पारेको थियो भने फुलब्राइट स्कूलले तृतीय स्थान हासिल गरेको थियो ।
प्रथम नेपाली तारा रियालिटी सोमा सान्त्वना हुन सफल तथा अहिले चलिरहेको रियालिटी सो द भोइस अफ नेपालका टीम दीपका एडभाइजर भविन ढुङ्गाना , नृत्य निर्देशक संघ भक्तपुरकी उपाध्यक्ष रञ्जना श्रेष्ठ र जगेश्वर पराजुलीले सो कार्यक्रममा निर्णायकको भूमिका निर्बाह गरेका थिए ।
संस्कृतिको संरक्षण तथा संवद्र्धन गर्नका लागि तथा हिन्दु संस्कृतिको जगेर्ना गर्दै विद्यार्थीहरुलाई पनि साँस्कृतिक कुराहरुको जानकारी गराउनका लागि उक्त कार्यक्रमको आयोजना गरिएको शिक्षक रविन ढकालले जानकारी दिएका थिए ।
विद्यालयकी प्रबन्ध निर्देशक विनु गोदार थापाको सभापतित्वमा भएको देउसी भैलो प्रतियोगिता अत्यन्त मनोरञ्जनात्मक बनेको थियो । बिजेता विद्यालयहरुलाई सोही दिन पुरस्कृत गरिएको थियो ।