‘शिक्षकले दलसँग जोडेर जागिर जोगाउने मनोवृत्ति त्याग्नुपर्छ’: शिक्षामन्त्री 

काठमाडौँ । शिक्षा विज्ञान तथा प्रविधिमन्त्री गिरिराजमणि पोखरेलले शिक्षण क्षेत्र राजनीति गर्ने थलो बनेको जनाएका छन् । महोत्तरीको बर्दिवास नगरपालिका वडा नं. ६ को किसाननगरमा स्थापित प्राकृतिक स्रोत व्यवस्थापन क्याम्पसले शनिबार आयोजना गरेको अन्तरक्रियामा शिक्षकले राजनीतिको बाटो रोजेर शिक्षामा बाधा पुर्याउन नुहने भन्दै विद्यालय शिक्षकको राजनीति गर्ने थलो नभएको बताए ।

‘सामुदायिक विद्यालयमा हुँदै आएको राजनीतिक खिचातानीले पठनपाठन अस्तव्यस्त बनेको छ, राजनीतिक दलको आडमा जागिर खाने प्रवृत्ति र राजनीतिक दलसँग आफूलाई जोडेर जागिर जोगाउने मनोवृत्ति शिक्षकहरूले त्याग्नुपर्छ ।’ मन्त्री पोखरेलले भने ।

उनले मुलुकमा सीपमूलक र व्यावसायिक शिक्षालाई प्रवद्र्धन र विकासका लागि अब माध्यमिक तहदेखि उच्च तहसम्म पठनपाठन गराइने गरी यसअघि प्रयोगमा रहेका व्यावसायिक विषयबाहेक जडीबुटी, आयुर्वेद, योग र प्राकृतिक चिकित्सासहितका विषय समावेश गराइएको पनि बताएका थिए ।

:679 Views

Leave a Reply