पेशागत हकहित भन्दै शिक्षकले दिए धर्ना(यस्ता छन् मागहरु)

काठमाडौं । देशभरका शिक्षकहरुले शुक्रबार ७७ वटै जिल्ला शिक्षा विकास तथा समन्वय इकाइमा धर्ना दिएका छन् ।

शैक्षिक अवस्थाको सुधार तथा नेपाली शिक्षकहरुको पेशागत हकहितको सुनिश्चितताका लागि भन्दै नेपाल शिक्षक महासंघको आह्वानमा जिल्ला जिल्लामा रहेका महासंघको अगुवाइमा समन्वय एकाईमा धर्ना तथा विरोध कार्यक्रम गरेका हुन् । उनीहरुले विहान १० बजेदेखि दिउँसो २ बजेसम्म शिक्षा विकास तथा समन्वय एकाईमा धर्ना दिएका थिए ।

यसैबीच उनीहरुले थप आन्दोलनका कार्यक्रम पनि सार्वजनिक गरेका छन् । कार्यक्रम अन्र्तगत महासंघले मंसिर ७ गते सातै प्रदेशमा विरोध तथा जुलुस गर्ने, मंसिर १४ गते काठमाडौंमा वृहत विरोध जुलुस तथा विरोध सभा गर्ने र मंसिर २१ गतेबाट काठमाडौंमा आन्दोलन गर्ने कार्यक्रम रहेको छ । उनीहरुले विभिन्न २६ बुँदे माग गर्दै आन्दोलन गर्दै आएका छन् ।

धर्ना तथा विरोध सभाअन्तर्गत भक्तपुरमा भएको सभामा शिक्षक महासंघ भक्तपुरका जिल्ला अध्यक्ष गंगाधर हाडाले सरकारले समुदायलाई विद्यालयको जिम्मा दिएको नभएर राजनीतिक पार्टीलाई हस्तान्तरण गरेको बताए ।

यी हुन् मागहरु :