ब्राइटस्टारको फुटसलमा आयोजक टिम बिजयी

भक्तपुर, ३ कात्तिक । भक्तपुरको राममन्दिरस्थित ब्राइटस्टार इङ्लिश स्कुलमा ‘ब्राइटस्टार एल्मुनी फुटसल टुर्नामेन्ट’ सम्पन्न भएको छ ।स्कुलका पूर्व विद्यार्थीबीचको सम्बन्ध सुमधुर बनाउन र ती बिच समन्वयको विकास गर्न गरिएको प्रतियोगितामा २०६७ ब्याच बिजयी भएको छ । २०६७ ब्याचले आयोजना गरेको फुटसलमा २०७१ ब्याच दोस्रो भएको छ ।

सो प्रतियोगितामा २०७१ ब्याचको साजन कर्माचार्य उत्कृष्ट खेलाडी भए भने २०६७ ब्याचको विकेश त्वाँजू उत्कृष्ट गोल किपर भएका थिए ।

शनिबार सुन्दरबस्तीस्थित ख्वप फुटसल एण्ड टेनिङ सेन्टरमा भएको प्रतियोगितामा ११ समुहको सहभागिता थियो ।

प्रतियोगितामा पहिलो र दोस्रो हुनेलाई विद्यालयका संस्थापक अध्यक्ष पुष्पलाल सुजखुले पुरस्कार प्रदान गरेका थिए ।