जिल्लाव्यापी माध्यमिक स्तरीय एकल गायन प्रतियोगिताको उपाधि आश्रय रंजितलाई

भक्तपुर । मध्यपुर थिमिको सुप्रिम एकेडमीमा आयोजित ‘जिल्लाव्यापी माध्यमिक स्तरीय एकल गायन प्रतियोगिता २०७५’ को उपाधि विनायक स्कुलका आश्रय रंजित घोषित भएका छन् ।
कार्यक्रममा जिल्लाका २४ विद्यालयबाट ३५ जना प्रतिस्पर्धी सहभागी थिए । रंजितले कर्णदासको ‘ठुला ठुला महल होइन’ बोलको गीत गाएर ३४ जना प्रतिस्पर्धीलाई पछाडि पारेका हुन् ।

कार्यक्रममा सिद्धार्थ विद्यापीठका शिर्षक भट्टराई दोस्रो र ग्लाडस्टोन एकेडमीका निखिला बस्नेत तेस्रो भएका थिए । त्यस्तै चाणक्य माध्यमिक विद्यालयका डेविड खड्गीलाई सान्त्वना पुरस्कार दिइएको थियो । प्रतियोगितामा वरिष्ठ संगीतकार राजु सिंह तथा चर्चित गायिका प्रास्ना शाक्य निर्णायकको भूमिकामा रहेका थिए ।