किड्स विन्टर क्याम्प सुरु हुदैं

काठमाडौं, २० पुस । यस वर्षको ‘किड्स विन्टर क्याम्प’ पुष २६ गते बिहिबारबाट सुरु हुने भएको छ ।

माउन्ट सेइब स्कुल र माउन्ट सिनाई इङ्लिश स्कुलको आयोजनामा हुन लागेको शिविरमा उत्हासित क्रियाकलाप, आउट डोर र इनडोर, कला, नृत्य, क्याम्प फायर, स्थलगत भ्रमण, संगित, नाटक प्रस्तुती, कथा बाचन, योगा, खाना बनाउने कक्षा लगायतका क्रियाकलाप हुने शिविर व्यवस्थापन ब्राइट स्कील एजुकेशन सेन्टरको निर्देशक देवना जोशीले बताएकी छिन् ।

शिविरमा स्वास्थ्य परीक्षण पनि गरिने उनले जानकारी दिएकी छिन् । बालबालिकाको जाडो बिदाको सदुप्रयोग गर्न शिविर गरिएको उनले बताइन् ।

जडिबुटिस्थित माउन्ट सेइब स्कुलमा हुने शिविरमा ४ वर्षदेखि १२ वर्षसम्मका बालबालिका सहभागि हुने छन् भने शिविर माघ ४ गते शुक्रबारसम्म चल्ने छ ।