सस्तो मुल्यमा गुणस्तर शिक्षा

ललितपुर, २५ पुष । गंगा जमुना इङ्लिश सेकेण्डरी स्कुलका प्रिन्सिपल पुरुषोत्तम श्रेष्ठको अध्यक्षतामा ११ सदस्यीय प्याब्सन गोदावरी नगर कार्यसमिति चयन भएको छ । अध्यक्षमा चयन भएपछि श्रेष्ठको सपना छ, नगरका प्याब्सन स्कुललाई देशकै नमुना विद्यालयमा स्थापित गर्ने ।

निजी तथा आवसीय विद्यालय अर्गनाइजेशन (प्याब्सन) को प्रथम नगर अधिवेशनमा उनले नगरका प्याब्सन स्कुललाई शिक्षा क्षेत्रमा सस्तो मुल्यमा गुणस्तर शिक्षा दिने बताएका छन् ।

सामाजिक विकासको कोषलाई सशक्त किसिमले स्थानान्तरण गर्न र संस्थागत विद्यालय प्रति सकरात्मक धारणा निर्माण गर्र्नमा जोड दिने उनले बताए । कक्षा ८ को परीक्षाको लागि नगरपालिकासँग सहकार्य गरेर सहज गर्ने उनले जानकारी दिए ।

‘छात्रवृत्ति मा १० प्रतिशत र त्यो भन्दा अझ के गर्न सकिन्छ भन्ने छलफल गर्ने छौं ।’ उनले थपे, ‘हाम्रो नगरका प्याब्सकका स्कुलमा अतिरिक्त क्रियाकलाप खासै भएको छैन । त्यसमा हामी स्कुल मिलेर बच्चामा राम्रो किसिमको अतिरिक्त क्रियाकलापलाई अवसर सृजना गर्ने योजनामा छौं ।’ पुष २८ गते शनिबार योजनाका लागि छलफल हुनेछ ।

पुष २३ सोमबार गोदावरीस्थित फुलबारी पार्टी प्यालेसमा सम्पन्न अधिवेशनबाट उपाध्यक्षमा चन्द्र गोविन्द महर्जन(ईन्द्रेणी इङ्लिश सेकेण्डरी स्कुल), सचिवमा गंगाराम डंगोल(टिका भैरव इङ्लिश सेकेण्डरी स्कुल), कोषाध्यक्षमा जगनाथ सिल्वाल(डल्फिन इङ्लिश सेकेण्डरी स्कुल) र सहसचिवमा शोभाश्री श्रेष्ठ(सुनगाभा इङ्लिश स्कुल) छानिएका हुन् ।

त्यस्तै सदस्यमा सुजन देशार(हिलटप माध्यमिक विद्यालय), रामेश्वर देशार(ज्योतिदय इङ्लिश सेकेण्डरी स्कुल), रुपचन्द्र विष्ट(अर्किड मन्टेश्वरी स्कुल), महेश कुँवर(हाम्रो विद्यालय) र पविन थापा(बाल मैत्री स्कुल) चयन भएका छन् भने १ महिला सदस्य चयन हुन बाकी छ ।
गोदावरी नगरपालिकाको प्याब्सनमा ५१ स्कुलहरु सहभागी छन् ।

:345 Views

Leave a Reply