एक स्कुल, जहाँ ढिलो आउने शिक्षकलाई विद्यार्थीले गेटबाटै फर्काइदिन्छन्

काठमाडौं । विद्यालयका विद्यार्थीले गेटमै बसेरै निगरानी गर्न थालेपछि ढिलो आउने शिक्षकहरु सतर्क बन्न थालेका छन् ।

मोरङको जहदा गाउँपालिका–१ स्थित जनता बाल आधारभूत विद्यालयमा अध्ययन।त विद्यार्थीले शैक्षिक गुणस्तर सुधार अभियान शुरु गरी शिक्षकलाई अनुशासन सिकाउन थालेपछि शिक्षकहरु सतर्क बन्न थालेका हुन् । विद्यार्थीले शिक्षक र अभिभावकसहितको उपस्थितिमा शिक्षक र विद्यार्थीका लागि नियम बनाएपछि हाल पठनपाठनमा समेत सुधार आएको छ । समयमै शिक्षक कक्षाकोठामा नपुग्न्ने शिक्षकलाइ समेत विद्यार्थीले प्रश्न सोध्ने गरेका छन् ।

तीन महिना अगाडि नियम बनाइएपछि ढिलो आउने शिक्षकलाई विद्यार्थीले निगरानी गर्न थालेका थिए । यो नियम लागू भएपछि हालसम्म तीन जना शिक्षक र दर्जनौं विद्यार्थी कारवाहीमा परेर विद्यालयको गेटबाटै घर फर्किएका एक विद्यार्थीले बताए ।

त्यसो त गाउँपालिकाले पनि ती महिनाअघिदेखि विद्युतीय हाजिरी लागू गरेको छ । त्यसपछि शिक्षाको गुणस्तर सुधार हुनुका साथै शिक्षक र विद्यार्थी समेत अनुशासित बन्न थालेको बताइएको छ ।

बिक्रम सम्बत २०६६ सालमा जिल्लाकै नमूना विद्यालयको घोषणा भएको विद्यालय अहिले गाउँपालिकाको उत्कृष्ट विद्यालयमा पर्दछ ।
पूर्वेली न्यूजबाट ।