माघको अन्तिम दिनबाट अर्किड फुटबल कप

काठमाडौँ, २१ माघ । काठमाडौँको कागेश्वरी मनोहरास्थित अर्किड पुपिल सेकेण्डरी स्कुलको आयोजनामा माघ २९ गतेबाट ‘अर्किड कप अन्तरविद्यालय जुनियर फुटबल टुर्नामेन्ट’ हुने भएको छ ।

जुनियर तहका फुटबल खेलाडि विद्यार्थीलाई अगाडि ल्याउन र उनीहरुलाई भविष्यमा आउन सक्ने चुनौतीको सामनाका लागि प्रोत्साहन दिन सो स्पर्धा गरिन लागेको विद्यालय प्रिन्सिपल सि.वि कार्कीले बताए । उनका अनुसार यो खेलले विद्यालयबिचको सम्बन्ध पनि राम्रो बनाउँछ ।

कक्षा ७ सम्म अध्ययनरत विद्यार्थीकाबीच हुने सो प्रतियोगितामा एउटामात्र समूह दर्ता गर्न रु ५ हजार लाग्ने छ ।

चौथौं संस्मरणको हुने सो स्पर्धामा प्रथम, द्वितीय, तृतीय र चौथो हुने विद्यालयलाई सिल्ड, मेडल र नगद प्रदान गरिने भएको छ । साथै उत्कृष्ट खेलाडि, फेयर खेलाडि समूह र म्यान अफ द म्याचलाई पनि पुरस्कृत गरिने स्कुलले जनाएको छ ।

आयोजकका अनुसार प्रतियोगितामा प्रथम हुने टीमले रु २० हजार, द्धितीय हुने टीमले रु १५ हजार, तृतिय हुने टिमले रु १० हजार र चौथौं हुने टिमले रु ५ हजार नगद पुरस्कार पाउनेछ ।

:224 Views

Leave a Reply