बेबिलोनमा खाना पकाउने प्रतियोगिता

काठमाडौं । बेबिलोन नेशनल स्कूल शान्तिनगर अन्तर्गत गठन भएको बेबिलोन स्काउट ट्रुपमा आवद्ध स्काउटहरुबीच खाना पकाउने प्रतियोगिता आयोजना गरिएको छ ।

अनुशासित, मितव्ययी, आत्मनिर्भर र स्वावलम्वी बनाउने शैक्षिक अभियान ‘स्काउट’ शिक्षा लिएका विद्यार्थीवीच उनीहरुले सिकेको कुरा व्यवहारमा उतार्न खाना पकाउने प्रतियोगिता आयोजना गरिएको हो ।

विद्यालय हातामा उनीहरुले पकाएको स्वादिष्ट परिकार विद्यालयका प्रिन्सिपल राजु राई, भाइस प्रिन्सिपल रीता राई, विद्यालय—अभिभावक संयोजक कमला केसी, स्काउट गुरु रञ्जनलाल श्रेष्ठ लगायत शिक्षकहरुले चाखेर उनीहरुको खाना पकाउने कलाको मुल्यांकन गरेका थिए ।

विजयी स्काउट टोलीलाई पुरस्कारको साथै खाना पकाउने प्रतियोगितामा सहभागी सबै विद्यार्थीलाई कुकिंग ब्याच दिइएको छ । बेबिलोनका स्काउटहरु विभिन्न सामाजिक कार्यमा पनि सहभागी हुँदै आएका छन् ।

:429 Views

Leave a Reply