नेपालमै पहिलो र नौलो उदाहरण : ‘अभिभावकलाई घरघरमै युरो किड्सको प्रशंसापत्र’

भक्तपुर, २० पौष । अन्तर्र्रािष्ट्रय फ्रेन्चाइज शैक्षिक संस्था युरो किड्स इन्टरनेशनलबाट गत मंसीरमा ‘उदाउँदो केन्द्र’ को रुपमा पुरस्कृत भक्तपुर युरो किड्सले आफ्ना अभिभावकहरुलाई घरघरमै गएर धन्यवाद सहितको प्रशंसापत्र वितरण गरेको छ ।

अभिभावकहरुको विश्वासको उच्च कदर गर्दै विद्यालयका पदाधिकारीहरु घरघरमै गएर अभिभावकहरुलाई धन्यवाद सहितको प्रशंसापत्र दिएको यो नै संभवत नेपालको पहिलो र नौलो घटना हो ।

भक्तपुर युरो किड्स एजुकेशनल इन्स्टिच्युट प्रालिद्वारा सल्लाघारीमा सञ्चालित भक्तपुर युरो किड्समा आफ्ना छोराछोरी र नातिनातीनी भर्ना गरेर छोटो समयमै अन्तराष्ट्रियस्तरको पुरस्कार जित्न सफल भएकोमा विद्यालयले घरघरमै गएर धन्यवाद दिँदै अभिभावकहरुलाई प्रशंसापत्र दिएको हो ।

भक्तपुर युरो किड्स एजुकेशनल इन्स्टिच्युट प्रालिका कार्यकारी अध्यक्ष सुनेत्र प्रधानाङ्ग, प्रिन्सिपल ज्योति क्षेत्री र निर्वतमान प्रिन्सिपल विनु गोदार थापाले विद्यार्थीको घरघरमै गएर अभिभावकहरुलाई प्रशंसापत्र दिएर धन्यवाद ज्ञापन गरेको हो ।

अभिभावकहरुले विश्वास गरेर आफ्ना वालवालिकालाई भक्तपुर युरो किड्समा पढ्न पठाएर सहयोग गरेकोले नै विद्यालयले स्थापनाको ३ वर्षको छोटो अवधिमै युरो किड्स इन्टरनेशनलबाट ‘उदाउँदो केन्द्र’ को रुपमा पुरस्कृत भएको विद्यालयका प्रवन्ध निर्देशक नवराज काफ्लेले बताए ।

‘विद्यालयले स्थापनाको छोटो अवधिमै यो पुरस्कार पाउनुमा अभिभावकहरुको महत्वपूर्ण योगदान छ, त्यसैले हामीले सबै विद्यार्थीका अभिभावकलाई घरघरमै गएर उहाँहरुलाई धन्यवाद सहितको प्रशंसापत्र प्रदान गरेका हौं’—प्रवन्ध निर्देशक काफ्लेले भने । प्रवन्ध निर्देशक काफ्लेका अनुसार विद्यार्थीका घरघरमा पुगेको विद्यालय पदाधिकारी टोलीले अभिभावकहरुको सुझाव संकलन पनि गरेको थियो ।

यसैवीच भक्तपुर युरो किड्स सल्लाघारीको हातामा २ दिने ‘युरो कार्निभल’ आयोजना गरिएको छ । विद्यार्थी, उनीहरुका अभिभावक तथा सर्वसाधारणलाई लक्षित गरि आयोजना गरिएको सो कार्निभलमा हस्तकला प्रदर्शनीदेखि मनोरञ्जनात्मक, ज्ञानवद्र्धक स्टलका साथै खानेकुरा र खेल्नेकुराका स्टलहरु राखिएको थियो ।