विनायकमा विज्ञान तथा इको प्रदर्शनी

भक्तपुर, २९ माघ । भक्तपुरको थिमिस्थित विनायक शिक्षा निकेतन स्कुलको विज्ञान तथा इको प्रदर्शनी कार्यक्रम सम्पन्न भएको छ ।

विद्यालयका प्रिन्सिपल सुरेन्द्रविक्रम प्रजापतिले विद्यालय पढाईमा मात्र अब्बल नभएर अन्य क्रियाकलापहरुमा पनि विनायकलाई उत्कृष्टमा राख्न यस्ता कार्यक्रम गरिरहेको बताए । उनले यस्ता कृयाकलापले विद्यार्थीहरुको प्रतिभा प्रस्फुटन हुनुका साथै जिज्ञासु प्रकृति बढ्ने र बढीभन्दा बढी ज्ञान आर्जन हुनेमा जोड दिए ।

सोमवार विद्यालयको प्राङ्गणमा भएको उक्त प्रदर्शनीमा खेर गएका सामाग्रीहरुको पुन प्रयोग र विज्ञान प्रदर्शनी तर्फ विद्यार्थीहरुले आफूले आर्जन गरेका विज्ञानका विभिन्न सिद्धान्तमा आधारित प्रयोग प्रस्तुत गरिएका थिए ।

कक्षा ४ देखि १० सम्मका करिब ५० विद्यार्थीका समुहले आ–आफ्नो प्रतिभा प्रस्फुटन गरेका थिए । कार्यक्रममा इको प्रदर्शनी जुनियर समूहतर्फ बार्बि पहिलो, मास्टरमाइन्ड दोस्रो, फाइभ स्टार तेस्रो भएका थिए । त्यस्तै विज्ञान जुनियर समूहतर्फबाट साइन्च फिक्सन प्रथम, आरजिए द्वितीय र मेसि तृतीय भएका थिए ।

सिनियर इकोतर्फमा जेपिएस पहिलो, लिजेन्ट्स गल्र्स दोस्रो, कन्स्टिलेशन समूह तेस्रो हुन सफल भएको थियो । त्यसैगरी सिनियर विज्ञानतर्फ जेपिएस् समूह प्रथम, द गुप्र अफ लेजेन्ट्स द्वितीय र साइन्टिफिक् माइन्ड तृतीय भएको थियो ।